16.6 C
Pontevedra
Xoves, 29 de Setembro de 2022
Máis
    HomeLouriñaO PorriñoO “Rías Baixas Film Fest” da Deputación recibe setembro co Festiva de...

    O “Rías Baixas Film Fest” da Deputación recibe setembro co Festiva de Cans

    Amais do festival de cine, a institución provincial ten ata o domingo máis dunha ducia de actividades culturais e deportivas en O Grove, O Porriño, Vigo, Tui, Vila de Cruces, Ponte Caldelas, Cerdedo-Cotobade, Campo Lameiro, Gondomar e Bueu

    Imaxe de arquivo da presentación do Festival de Cans 2021

    O mes do setembro non fai que a cultura e o deporte decaian na provincia, de feito, esta semana a Deputación ten programadas ata 14 accións para un total de nove municipios. Os concellos do Grove, Porriño, Tui, Vila de Cruces, Ponte Caldelas, Cerdedo-Cotobade, Campo Lameiro, Gondomar e Bueu acollerán actividades dos programas “Rías Baixas Film Fest”, “Musigal”, “Música no Ar”, “Bosques Terapéuticos”, “Voando nas Rías Baixas” e “Depo Orienta”. Ademais, a exposición do ente provincial “A gaita na música tradicional galega”, estará aberta ao público nas Xornadas Etnográficas do Morrazo ata o 11 de setembro.

    O prato forte da programación cultural desta semana marca o seu inicio este xoves 2, coa apertura do primeiro dos “Rías Baixas Film Fest” 2021. Terá lugar ás 20.00, coa inauguración do Festival de Cans, e estará marcada pola proxección do filme “Donde acaba la memoria”, do vigués Pablo Romero co protagonismo do hispanista Ian Gibson. Ata decembro, o emblema audiovisual da marca provincial completará o seu cartel cos festivais FicBueu (10-19 setembro), Primavera do Cine (7-12 setembro), Play-Doc (22-26 setembro), Festival de Cine Inclusivo (12-16 outubro), Galician Freaky Film (29-2 outubro) e Novos Cinemas (14-19 decembro). En Cans este venres terá lugar ás 12.30 en Porriño un coloquio aberto ao público con Ian Gibson e, unha hora máis tarde, a colocación da Estrela que se lle dedica no Torreiro. Pola noite, ás 21.00, “Musigal” amenizará a noitada no concello do Grove coa actuación de Budiño, e na Igrexa de Bouzas en Vigo se proxectará ás 21.30 a película “María Soliña”.

    O sábado iniciarase ás 10.00 en Tui cun itinerario enmarcado no programa “Bosques Terapéuticos”. A ruta do Monte Aloia percorrerá o Parque Natural da Serra do Galiñeiro, cuxa atalaia acada os 700 metros de altura e conta con máis de 5 miradoiros con extraordinarias vistas sobre o río Miño. No terreo musical, ás 21.30, “Musigal” achega o concerto de Balbino ao municipio de Vila de Cruces. Máis tarde, ás 22.30, celebrarase a Gala Final e entrega de premios do Festival de Cans, que contará coa actuación musical de SÉS.

    Finalmente, o domingo 5, comezará ás 9.30 en Cerdedo-Cotobade cunha nova actividade ornitolóxica de “Voando nas Rías Baixas”, que se desenvolverá na Serra de O Cando. Ás 10.00 terá lugar outra ruta de “Bosques terapéuticos”, esta vez en Ponte Caldelas. O Sendeiro Azul do río Verdugo, unha ruta de máis de 1,8 quilómetros de dificultade baixa, consistirá nunha senda circular que parte da praia fluvial da Calzada e transcorre ás beiras do río enxalzando os seus valores naturais e paisaxísticos, entre os que sobresaen as pontes e muíños. Tamén as 10.00, o programa provincial “Depo Orienta”, que ten como obxectivo que os seus/as participantes realicen no menor tempo posible e a contra reloxo un percorrido marcado no terreo coa única axuda dun mapa, ofrece a primeira das súas rutas no Monte Galiñeiro. Ás 19.00, a Praza do Concello de Campo Lameiro acollerá o concerto de Manoele de Felisa. Por último, ás 21.30 terá lugar no auditorio de Gondomar o concerto de Suelen Estar Quartet, enmarcado na programación de “Música no Ar”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS