14 C
Pontevedra
Sábado, 15 de Maio de 2021
Máis
    HomeLouriñaO PorriñoO Porriño melloras as rúas de Torneiros cun investimento de máis de...

    O Porriño melloras as rúas de Torneiros cun investimento de máis de 90.000 euros da Deputación

    O deputado Santos Héctor e alcaldesa Eva García de la Torre destacan que trátase dun barrio con moita poboación, “maior por si só que moitos concellos da provincia”

    As principais rúas do barrio de Torneiros, en O Porriño, renovaron o seu pavimento cunha campaña de asfaltado emprendida polo Concello en colaboración coa Deputación, que achegou os máis de 90.200 euros da actuación. As obras, que supuxeron unha mellora nos accesos a varios equipamentos públicos con importante demanda cidadá, foron visitadas hoxe polo deputado de Cooperación, Santos Héctor, e a alcaldesa, Eva García de la Torre. Estiveron acompañados pola deputada Ana Laura Iglesias e varios/as concelleiros/as.

    Destacouse que Torneiros é un barrio moi densamente poboado, cunhas 5.000 persoas, o que equivale a un 25% do número de persoas empadroadas en O Porriño. “É unha poboación maior que a que existe en moitos concellos da provincia”, destacou Santos Héctor, polo que este investimento significa atender as necesidades de moita xente “e dar un servizo digno a unha aglomeración urbana que medrou moitísimo nos últimos anos”. O deputado recalcou que en Torneiros hai numerosos equipamentos e dotacións públicas, como o edificio multiusos do Concello, onde está a oficina municipal de Porremprego, a oficina dos Servizos Públicos de Emprego, Medio Ambiente da Xunta de Galicia ou o Viveiro de Empresas. A carón destas rúas está tamén o colexio Antonio Palacios, o Instituto de Ensino Secundario Ribeira do Louro ou a igrexa de San Rosendo, ademais de dotacións deportivas como o campo de fútbol. Un gran conxunto de equipamentos públicos que mobilizan a moitas persoas, “polo que tamén era necesario apostar pola seguridade viaria”, lembrou Santos Héctor.

    A alcaldesa Eva García de la Torre destacou que Torneiros é un “núcleo importantísimo para O Porriño” e explicou que pola configuración urbanística con que se deseñou e executou no seu día “daba pé a un certo abandono”. Así explicou que o actual Goberno municipal apostou por mellorar os espazos públicos e instalar servizos municipais, como o Porremprego. “Pouco a pouco, transformamos Torneiros nun lugar interesante para vivir e imos dándolle a importancia que ten”.

    Finalmente, agradeceu o traballo dos seus colaboradores, como o tenente de alcalde, Pedro Pereira, “que ten moita capacidade e ocupouse destas obras, polo que hai que agradecerllo publicamente”. García de la Torre recoñeceu expresamente o marco de colaboración institucional e financiamento regrado por parte da Deputación, “que é exactamente o mesmo que fai con tódolos concellos da provincia”.

    13 pasos de cebra para optimizar a seguridade  viaria

    As obras en Torneiros abrangueron unha superficie próxima aos 10.000 metros cadrados de viais públicos, nos inclúen 13 pasos de cebra sobreelevados para garantir a seguridade viaria e a accesibilidade. Ademais, sinalizáronse as sete “isletas” de organización do tráfico e catro prazas de estacionamento para persoas con diversidade funcional nas proximidades dos equipamentos públicos. A obra incluíu tamén todo o pintado da sinalización horizontal e a colocación en rasante de tódalas tapas de rexistro dos servizos soterrados.

    A Deputación de Pontevedra leva investidos en O Porriño en torno a 10,5 millóns de euros dende o ano 2015, é dicir, dende o cambio no Goberno provincial. Neste tempo realizáronse preto de 60 obras financiadas con cargo ao Plan Concellos. Este ano, o municipio da Louriña recibe 1.167.000 euros do plan de financiamento regrado da Deputación aos concellos de menos de 50.000 habitantes. Por outra banda, o Goberno local tamén ten prevista a contratación de 25 persoas desempregadas con cargo á Liña 3 (de Emprego) do Plan Concellos. O Porriño é un dos concellos da provincia que máis partido tira deste tipo de axudas da Deputación, pois dende o ano 2015 ten contratado xa a 195 parados/as.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS