Trinta e sete establecementos de hostalería do Porriño participarán finalmente o vindeiro domingo na ‘XXVI edición da Festa dos Callos’ un evento gastronónmico organizado polo Concello porriñés e a asociación empresarial ACIPOR coa colaboración do gremio de hostalería e que constitúe un dos principais reclamos das Fesas do Cristo que rematarán ese día 29.
Agárdanse a milleiros de visitantes coa previsión de que “os establecementos cheguemos vender 25.000 racións de callos”, dixo José Manuel Fernández, presidente da asociación AHOSPOR, superando deste xeito o rexistro de 2018 que foi de 20.000.
Os concelleiros Lourdes Moure, Sergio Casal e David Alonso presentaron o evento nunha rolda de prensa na que estaban acompañados pola xerente de ACIPOR, Noelia Conde e José Manuel Fernández e Fran Castiñeiras, en representación de AHOSPOR.
Unha das novidades deste ano será o prezo da ración que unificase a 5 € por acordo dos organizadores e dos establecementos. O acto, no que tamén se presentouo cartel anunciador da Festa, rematou cunha degustación gratuita de callos para asistentes e público en diversas preparacións elaboradas por varios de los establecementos participantes.
O concelleiro de Festas, David Alonso lembrou que o domingo haberá animación de rúa e por barrios da vila en horario matinal con dúas charangas e tres grupos folklóricos e de gaitas. Pola tarde dous concertos musicais, un espectáculo de maxia para nenos e pola noite as dúas últimas verbenas coas orquestras ‘Solara’ e ‘Tango’.
E ademaís habera varios eventos deportivos entre os que destaca como novidade o Rally Mix Concello do Porriño cuxos detalles serán presentados mañá mércores en rolda de prensa no Consistorio, a partir das 10:30 horas.