Un total de 159 alumnos e alumnas do Instituto de Ensino Secundario ‘Ribeira do Louro’ do Porriño están a recibir un curso de primeiros auxilios de nivel básico impartido por persoal do 061. Trátase dunha iniciativa formativa que promove o Concello porriñés a través da Concellería de Seguridade e Educación que dirixe Lourdes Moure.
Durante as clases que, se realizan entre hoxe e mañá mércores, os estudantes reciben formación teórica e práctica para saber reaccionar ante un atragantamento, unha hemorraxia, queimaduras ou unha parada cardiorespiratoria. A aprendizaxe inclue tamén a manobras de RCP (reanimación cardio pulmonar).
O alumnado asistente a este curso recibirá como agasallo un ‘ambu’ portátil co formato dun chaveiro co escudo do Concello do Porriño. O ‘ambu’ é un dispositivo manual para proporcionar ventilación ante una parada cardiorespiratoria.
Estes cursos formativos estederánse tamén ás Asociacións de Veciños do municipio que xa o solicitaran. Neste intre son Cans, Atios, Pontellas, A Forna-Budiño e San Benito-San Sebastián. Impartiránse en horario de tarde nas respectivas sedes destas AA. VV. comezando, mañá mércores en Atios, a partires das 17 horas.
