Fin de semana cargada de emocións con catro maiots de líder en xogo nas filas do Avanza que organizaba a antepenúltima proba da Copa Galicia de Ciclocross disputada na xornada do sábado. Como ben se sabe no Porriño respirase ciclismo por todos os costados e como xa ven sendo tradición a Asociación Deportiva Avanza fixo estremecer os cimentos dun velódromo cunha nova proba do ciclocross galego onde, os amantes do barro, atopáronse as condicións idóneas para amosar as súas habilidades sobre estes terreos.
No remate da xornada os riders do Avanza conseguían manter no seu poder os maiots de lideres un día mais, maiots que se ían volver a poñer en xogo en menos vintecatro horas no concello ourensá de Maceda.
O velódromo despedía un intenso día de ciclocross cun André Martínez imparable de cara a gañar o liderato da copa o impoñerse con autoridade na categoría cadete masculino. Na categoría cadete feminino Uxía Soto, a pesar de non poder coa corredora do Caimáns de Betanzos e despois de varias caídas, a prata acadada no Porriño case lle garante o liderato final da Copa, acompañada no terceiro lugar do podio pola súa compañeira de filas Ároa Otero.
Laura Mira, a Júnior Fémina do Avanza, conseguía gañar na proba local e sumar puntos de cara o clasificación xeral e David Fernández, a pesar de varios atrancos mecánicos que lle obrigaron a entrar en meta coa bicicleta da man, conseguía a terceira posición mantendo o maiot de líder cunha pequena marxe de puntos de cara a xornada do domingo.
Na xornada do domingo Maceda poñía o broche final a Copa Galicia de Ciclocross, nun circuíto mais ‘corredor’ que o da xornada anterior, amosaba un escenario similar o da xornada do día anterior. Na categoría cadete masculino André Martínez gañaba a proba. Uxía Soto conseguía entrar na segunda posición na categoría Cadete feminino seguida por Ároa Otero. Laura Mira, unha vez mais, cruzou o arco de meta en primeira posición na categoría Júnior Feminino e David Fernández que despois do mal sabor de boca do día anterior conseguía gañar na proba de Maceda.
Despois dun duro ano sen adestramentos, onde compre agradecer que os patrocinadores mantiveran firmes o seus acordos pese a falta de probas e actividade case todo ano, a dura labor das directivas adaptándose os protocolos COVID e as novas actualidades que se ían dando derivadas da evolución da pandemia, a escola de Ciclismo Avanza consegue endulzar o peche de ano con catro medallas de ouro, unha de bronce e o premio o mellor Club da Copa Galicia de Ciclocross.
André Martínez, Uxía Soto, Laura Mira e David Fernández campións da Copa Galicia De Ciclocross, Marta Estévez medalla de bronce. A asociación deportiva Avanza comeza a ser unha escola referente no ciclismo galego, galardoada co premio o mellor equipo da Copa Galicia de Ciclocross. Dende o seu inicio contou cun plantel de técnicos inigualable: Luís Fernández Oliveira unha peza clave na aprendizaxe dos alumnos e riders da escola; Abel Maceira, un gran estimulo de garra e nervio para os alumnos da escola e un gran estimulo para todos os pequenos ciclistas do Avanza; Xacob Agra que aínda que xa non esta nas filas do corpo técnico do Avanza tiveron o pracer de compartir e poñer en práctica os consellos e coñecementos aportados por Xacob logo de moitos anos nos deportes de dúas rodas, primeiro no mundo do motocross e nos últimos anos un referente no ciclocross galego, ocupando o seu lugar Aarón Mariño no corpo técnico o corredor do Club Ciclista Froiz.
