Desconvócase a concentración da Vaquería ante o anuncio da Xunta de que informará do proxecto o luns 16

Foto de arquivo dunha das concentracións dos veciños da Vaqueira antes da pandemia

O Concello do Porriño anuncia que decidiu desconvocar a concentración de protesta que ía celebrarse o xoves 12 na Vaquería ante o anuncio da Xunta de Galicia de que o luns 16 informará sobre o proxecto de reforma e mellora da seguridade viaria desa travesía.

Este mediodía, recibiuse no Concello a chamada da Axencia Galega de Infraestruturas indicando que o seu director xeral, Francisco Menéndez recibirá o luns 16, as 10 horas a Pedro Pereira, primeiro tenente de alcalde e responsable municipal de insfraestruturas. Trátase da entrevista solicitada e varias veces reiterada por parte municipal para coñecer o estado do proxecto comprometido pola administración autonómica.

En consecuencia, o Concello ven de comunicar á Subdelegación do Goberno a desconvocatoria da concentración para a que tiña solicitada autorización.