12.9 C
Pontevedra
Mércores, 22 de Maio de 2024
Máis
    HomeLouriñaO PorriñoDavid Regades entrega as chaves dos locais para unha escola infantil no...

    David Regades entrega as chaves dos locais para unha escola infantil no polígono da Granxa

    O delegado da Zona Franca de Vigo, David Regades, entregou as chaves dos locais do Consorcio no Polígono da Granxa á empresa Trastes, que abrirá unha escola infantil. Ao acto asistiu a alcaldesa de Porriño, Eva García de la Torre; o presidente da Entidade Urbanística de Conservación, Indalecio Cuevas, e o seu xerente, David Sobral; así como responsables da empresa, dirixida por Beatriz Cabaleiro.

    Trátase de seis locais na planta baixa do Centro de Servizos de Zona Franca na Granxa cunha superficie total de 318 metros cadrados cadrados con 75 de zona exterior. Trastes ofrecerá un total de 74 prazas de 0 a 3 anos, así como servizos complementarios de 3 a 8 anos. A duración do contrato será de 15 anos.

    David Regades manifestou o seu total apoio a este proxecto xa que “é fundamental para que a xente que acode a diario a traballar na Granxa poida conciliar a vida familiar e a laboral”. Os parques empresariais de Zona Franca, engadiu, “son máis que recintos onde hai naves, son espazos económicos que se dotan de servizos para ser máis adecuados para reter o talento e isto facilita a integración de nais e pais no mercado laboral.”

    A escola infantil do polígono da GRanxa estará dirixida por Beatriz Cabaleiro Fernández, que conta cunha dilatada experiencia nesta etapa educativa a través dos diferentes centros infantís Trastes. Beatriz Cabaleiro agradeceu a todos os que fixeron posible que se instale a escola infantil na Granxa e subliñou que “a estimulación temperá para o desenvolvemento de habilidades, nunha contorna bilingüe e chea de agarimo e cordialidade non se podería desenvolver en mellor lugar que este”, ademais de engadir que “estamos a falar dun proxecto educativo e leste é o piar do noso futuro”.

    Pola súa banda, a alcaldesa de Porriño, Eva García de la Torre, destacou que “como institucións públicas tócanos favorecer a conciliación e pensar que o futuro é moito mellor e temos que facilitar que o traballo teña apoios para coidar dos fillos”.

    A adecuación do local farase de maneira inmediata co fin de poder poñer en marcha a escola infantil no menor tempo posible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.