18.5 C
Pontevedra
Xoves, 18 de Xullo de 2024
Máis
    HomeLouriñaO PorriñoA Xunta confirma ao Concello do Porriño a subvención para o obradoiro...

    A Xunta confirma ao Concello do Porriño a subvención para o obradoiro de emprego ‘Porriño Xove’

    A Xunta de Galicia, a través de Consellería de Economía, Emprego e Industria vén de confirmar ao Concello do Porriño a concesión dunha subvención de 180.021 € para a realización do obradoiro de emprego denominado ‘Porriño Xove’.

    Dezaseis aspirantes serán seleccionados como alumnos traballadores nas seguintes especialidades formativas: a metade dos seleccionados ou seleccionadas cursarán atención sociosanitaria a persoas dependentes en institucións; e os outros oito seleccionados formaránse en operacións de gravación e tratamento de datos da Concellería de Emprego en Torneiros.

    As 8 personas que se formen para atención socio-sanitaria a persoas dependentes en institucións sociais, deben ter como requisito indispensable o título da ESO.

    O Concello canalizará estes cursos a través do departamento ‘Porremprego’. Trátase de contratos de formación e aprendizaxe que terán unha duración prevista de 6 meses. As actividades formativas impartiránse dende o vindeiro 30 de setembro ata o 29 de marzo de 2020. Preténdese formar a 16 persoas desempregadas menores de 30 anos e que estean anotados no Sistema de Garantía Xuvenil.

    Todas as persoas desempregadas que cumplan cos anteditos requisitos e que estean interesadas en formar parte do alumnado deste obradoiro de emprego, deberán acudir á oficina de emprego do Porriño e anotarse en Obradoiros. As persoas que non estean inscritas no Sistema de Garantía Xuvenil poderán inscribirse no mesmo día que solicitan anotarse en Obradoiros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.