Lourdes Moure, concelleira de Seguridade, asistida por Daniel Rodríguez, inspector xefe da Policía Local, entregou onte as tarxetas acreditativas ás voluntarias e voluntarios que participan na campaña de control da poboación felina que promove o Concello do Porriño. Deste xeito, existe un rexistro de control para o coñecemento da Policía Local e para cumprir o que esixe a normativa vixente da Comunidade Autónoma de Galicia.
Por outra banda, a concelleira informou de que o acordo para a esterilización da poboación felina xa se renovou por segundo ano. Contratouse cunha clínica veterinaria local que nesta ocasión será “Lupus”, á que se adxudican 3.000 euros por estes traballos.
A anterior campaña de esterilización felina estivo promovida por ‘Lena Protectora de Animais’, en colaboración con una clínica veterinaria local. Deste xeito, inténtase que o número de colonias existentes no municipio non continúe aumentando.