20.8 C
Pontevedra
Mércores, 14 de Abril de 2021
More
    HomeLouriñaMosXantares especiais e productos navideños para todos grazas ao Nadal Solidario de...

    Xantares especiais e productos navideños para todos grazas ao Nadal Solidario de Mos Axuda

    A campaña municipal anual beneficia este ano a preto de 100 familias

    Hoxe comezaron a repartirse, na sede de Mos Axuda, sita en Puxeiros, os lotes de alimentos e tarxetas agasallo para compra de alimento fresco en supermercados da Campaña Mos Axuda no Nadal entre as 99 familias mosenses beneficiarias das mesmas. Onte pola tarde recollíanse do último punto de recollida, o Belén Solidario do Pazo de Mos, as derradeiras doazóns antes de iniciar o reparto de hoxe. Estiveron presentes a alcaldesa de Mos, Nidia Arévalo, voluntarios/as municipais e de Mos Axuda, e representantes da Fundación Pazo de Mos.

    A pesares de que este ano non se realizou campaña de recollida nos supermercados, grazas á colaboración de empresas e particulares recaudouse tanto ou máis que en anos anteriores. Detectouse unha especial solidariedade por parte de veciñanza e colaboradores.

    Entre ditos colaboradores atopáronse a Escola Infantil Trastes, Reciclajes Avi, Afamsa, Noribérica, Pesca Puerta, Autos Rivada, Tecdisma, Rodicut, Copo Ibérica, Frioya, Tesis Galicia, Frutas Sol, IES de Mos, Colexio de Atín, Fundacion Pazo de Mos (Belén Solidario), Aemos, Dover, Combustibles Peinador, Industrias Afines, S.L, e doazóns particulares, entre outros.

    O Nadal Solidario de Mos Axuda permitirá que preto de 100 familias mosenses poidan gozar tamén das datas navideñas. Nadal Solidario é unha campaña anual de recollida de alimentos que o Concello de Mos organiza para que ningunha familia mosense quede sen celebrar as festas navideñas. En total son preto de 100 familias usuarias dos Servizos Sociais municipais, que en número de persoas pode alcanzar preto de 250.

    Mos Axuda é un proxecto do Concello de Mos nacido en 2015 como unha organización de reparto directo de alimentos entre as persoas máis desfavorecidas do municipio e apoiado polos Servizos Sociais municipais.

    As empresas Noribérica, Reciclajes Avi e Afamsa son tres empresas que ademáis de colaborar todos os anos nas campañas de Nadal, véñeno a facer de xeito habitual desde o mes de marzo, cando comezou a pamdemia, volcados completamente en axudar ao Concello a paliar as necesidades das familias. Ao longo de 2020 repartíronse 40 toneladas de alimentos e tarxetas para compra de producto fresco nos supermercados de Mos valoradas nun total de 21.000€.

    Ademais da doazón por parte destas tres empresas, cóntase tamen coa incondicional colaboración da Asociación de Empresarios de Mos, AEMOS, e moitas outras empresas tales como Pesca Puerta, Autos Rivada, Tecdisma…

    Seguindo coa traxectoria e perseguindo a finalidade de prestar axuda e protección aos máis necesitados, desde o Concello repártese hoxe o recadado nesta campaña de nadal 2020 que ademais é unha campaña especial, debido á situación que viven moitas familias provocada pola crise sanitaria do COVID-19. Grazas a todas as aportacións as familias beneficiarias poderán celebrar o Nadal como merecen.

    A alcaldesa de Mos, Nidia Arévalo, e a concelleira de Política Social, Sara Cebreiro, declararon esta mañá que “desde o Concello estamos moi agradecidos e satisfeitos da campaña de doazón de alimentos deste ano xa que recaudouse tanto ou máis que en anos anteriores. Detectouse unha especial solidariedade por parte de veciñanza e colaboradores”, e aproveitaron a ocasión para “agradecer a colaboración cidadá dos veciños e veciñas de Mos que, edición tras edición, veñen a demostrar que Mos é un pobo solidario”.

    A rexedora local mosense e a edil de Política Social explicaron que “para poder levar a cabo este proxecto solidario e que todas as familias de Mos poidan gozar destas festas contamos coa axuda dun pilar fundamental; os voluntarios e voluntarias, tanto de Mos Axuda como de Protección Civil, que son un orgullo para o municipio”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS