19 C
Pontevedra
Luns, 15 de Xullo de 2024
Máis
    HomeLouriñaMosVisita aos residentes na Vivenda de Transición en San Eleuterio cedida polo...

    Visita aos residentes na Vivenda de Transición en San Eleuterio cedida polo Concello a Cogami

    A alcaldesa de Mos, Nidia Arévalo, o presidente de Cogami, Anxo Queiruga, e a concelleira de Política Social mosense, Sara Cebreiro, visitaron ás dúas persoas que están a residir na Vivenda de Transición ubicada no piso municipal en San Eleuterio, que o Concello de Mos lle cedeu a Cogami para tal fin, mediante un convenio de colaboración que permite desenvolver á asociación o Proxecto RUMBO durante un ano.

    O piso está habilitado para que convivan nel como Vivenda de Transición ata 3 residentes, como así se fará no futuro. O período de residencia é variable segundo as circunstancias de cada usuario, e cada un deles permanece na mesma hasta que esté preparado e atope vivivenda propia. Durante o ano de duración do Proxecto RUMBO, irán pasando polo piso de San Eleuterio diferentes membros de Cogami en proceso de transición cara a independencia, sempre convivindo entre un máximo de 3 persoas.

    O Concello de Mos sumouse ao Proxecto RUMBO de Cogami cedendo unha das vivendas sociais das que ten en propiedade en San Eleuterio, para que pase sexa utilizado pola asociación como vivienda de transición no que conviven catro usuarios da mesma. Cogami xa dispón doutra Vivenda de transición no Rebullón.

    O protocolo de colaboración asinado entre o Concello de Mos e Cogami desenvóvese para a participación no “Proxecto RUMBO: cara a un modelo de autonomía persoal conectada e inclusiva”.

    O convenio ten por obxecto a colaboración de Cogami co Concello de Mos, en relación co Proxecto RUMBO: un proxecto piloto experimental, a nivel nacional (5 comunidades autónomas), co que se pretende implementar un novo modelo de apoio á autonomía persoal, mediante a combinación de servizos e recursos que permitan evitar a institucionalización e manter ás PCD na súa contorna, facilitando formas de vida inclusivas en condicións de seguridade, accesibilidade e benestar.

    O proxecto Rumbo desenvólvese en diversos territorios, as entidades autonómicas vinculadas a COCEMFE, FEDACE, ASPACE, PREDIF e a Confederación Autismo España. O Proxecto RUMBO, de innovación en materia de prevención da institucionalización, desinstitucionalización e desenvolvemento de servizos de apoio comunitarios no ámbito dos coidados de longa duración, vinculados cos Fondos Next Generation e o Plan de Recuperación, Transformación e Resiliencia, que se desenvolve en 8 liñas de traballo: servizo de adecuación e personalización da Vivenda. Servizo de vivendas de transición á vida independente. Servizo de promoción de aloxamento inclusivo. Transformación de centros residenciais cara a recursos de apoio integral á vida independente. Servizos sociosanitarios de proximidade. Servizo de apoio comunitario para a participación e promoción da cidadanía activa. Creación dun novo catálogo de servizos de promoción da autonomía persoal. Transferencia de modelo de desinstitucionalización.

    O obxectivo deste protocolo de colaboración é a participación das dúas entidades nas actividades: servizo de promoción de aloxamento inclusivo, a través da investigación sobre a existencia de vivendas municipais accesibles, asesoramento e realización de formacións sobre accesibilidade universal e aloxamentos inclusivos, aos técnicos municipais.

    A misión de Cogami é conseguir a plena inclusión das persoas con discapacidade en todos os ámbitos da sociedade a través da defensa e promoción dos seus dereitos, a reivindicación do cambio social, a potenciación do movemento asociativo e a prestación de servizos que satisfagan as súas necesidades e expectativas. Cogami realiza o proxecto Rumbo dende a óptica de desenvolver os seus servizos desde a perspectiva do que necesita a persoa para desenvolver o seu plan de vida na súa contorna natural, traballando conxuntamente coa comunidade, a persoa e a súa contorna efectiva para incrementar ao máximo a súa autonomía no seu lugar de desenvolvemento, evitando a institucionalización.

    A finalidade de Cogami co Proxecto RUMBO é a execución das actuacións que se fixen nos seguintes plans de traballo nos que participa: servizo de adecuación e personalización da vivenda, servizo de vivendas de transición á vida independente e servizo de promoción de aloxamento inclusivo. A finalidade de Cogami co Proxecto RUMBO é, con respecto ao servizo de promoción de aloxamento inclusivo, evitar o recurso de residencias ou dependencia familiar facilitando aloxamento accesible ás PCD mediante as actividades deste paquete de traballo. A finalidade do Concello de Mos para participar no proxecto é mellorar os seus servizos dirixidos ás persoas con discapacidade para que poidan permanecer na súa contorna e poidan ter unha vida independente, ao mesmo tempo que fomentar a accesibilidade universal.

    Pola súa banda o Concello de Mos cedeu a Cogami esta vivenda municipal sita en Urbanización de San Eleuterio, Tameiga, para as vivendas de transición do proxecto Rumbo. O convenio de colaboración conservará a súa vixencia ata a duración estimada do Proxecto RUMBO, decembro de 2024.

    Este convenio de colaboración non comporta ningunha achega económica porque son asumidas no marco do Proxecto RUMBO, está financiado polos fondos NextGeneration da UE e polo Ministerio de Dereitos Sociais e Axenda 2030.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.