26.5 C
Pontevedra
Venres, 19 de Xullo de 2024
Máis
    HomeLouriñaMosSoMos Nadal, xa é Nadal en Mos

    SoMos Nadal, xa é Nadal en Mos

    A alcaldesa de Mos, Nidia Arévalo, e os concelleiros do goberno local, veñen de presentar a programación do Nadal 2023-2024 no Concello de Mos, enmarcada baixo o título ‘SoMos Nadal’ e que comezará o vindeiro sábado, día 2 de decembro, ás 18:30 horas, cun espectáculo de Cánticos de Nadal a cargo de Emilio Rúa e Xosé Carlos Carneiro na Igrexa de Santa Eulalia de Mos.

    domingo día 3 chega o tan esperado acto inaugural do acendido navideño, que marca o inicio do Nadal en Mos e representa, xunto coa Festa Pre Fin de Ano do 30 de decembro, un dos acontecementos máis esperados e concorridos, tanto destas datas, como de toda a programación lúdica e cultural mosense.

    O acendido do alumeado de Nadal do vindeiro domingo na contorna do Pazo de Mos dará comezo ás 18:00 horas e contará co espectáculo infantil “A Raíña da Neve”, a actuación musical dos “King Kids”, así como canóns de neve artificial e fotomatón con foto de regalo e obradoiros infantís de pintacaras e globoflexia.

    Tamén o domingo 3 o Club Tenis de Mesa Mos organiza o Torneo Solidario Always Tenis de Mesa en horario de 10:30 horas a 13:00 horas.

    DECEMBRO

    Mércores 6

    • Concerto Santa Icía ás 18:00 h, no auditorio de Torroso

    Sábado 9

    • Festival de Nadal das Escolas Baile Deportivo Patricia Martínez ás 20:00 h, no multiúsos das Pozas

    Domingo 10

    • Teatro infantil títeres ás 18:00 h, no auditorio de Guizán
    • Festival “Has de cantar Torroso Gaiteiro” ás 18:30 h, no auditorio de Torroso
    • Festival de Corais de Nadal ás 19:00 h no Pazo de Mos

    Sábado 16

    • Teatro infantil ás 19:00 h, no Pazo de Mos

    Domingo 17

    • Concentración solidaria de coches clásicos de 10:00 a 14:00 h, no Centro Dotacional de Torroso
    • Certame de Rondallas ás 17:00 h, na Avenida de Puxeiros

    Xoves 21

    • Acendido do Pazo de Mos (Campaña #AcendeOXacobeo) e acendido monumentos do Camiño máis chocolatada ás 18:00, no Pazo de Mos

    Domingo 24

    • Papanoelada Moteira ás 11:00 h, no parqeu de Sanguiñeda (saída do percorrido)

    Sábado 30

    • Festa Pre-Fin de Ano ás 23:30 h, no Pazo de Mos

    XANEIRO

    Xoves 4

    • Excursión para familias “Barco do Nadal” ás 19:00 h (hora da saída desde o multiúsos das Pozas). Prezo: 14 € (adultos) / 9 € (nenos de 3 a 12 anos)

    Venres 5

    • Cabalgata de Reis ás 18:00 h, na Avenida de Sanguiñeda

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.