Onte impartiuse no salón de actos da Axencia de Colocación do Concello de Mos, unha formación específica en prevención da COVID-19 para os monitores deportivos municipais do Pavillón Óscar Pereiro e Piscina Municipal de cara á súa reapertura.
Durante o curso, impartido pola empresa de prevención Cualtis e coordinado polo departamento municipal de Persoal, Recursos Humanos e Pevención de Riscos Laborais, os monitores deportivos do Concello de Mos foron instruídos sobre o protocolo de seguridade e sanitario de prevención da COVID-19 a seguir por eles mesmos e o deseñado para os/as usuarios/as das instalacións deportivas do Pavillón Óscar Pereiro, que os monitores deberán garantir que sexa cumprido por parte da cidadanía e dar as indicacións oportunas para que se faga correctamente.
As directrices preventivas a seguir estarán sempre baseadas no rigoroso cumprimento dos protocolos de seguridade sanitarios e no asesoramento técnico especializado para poder adaptarse correctamente ás circunstancias da nova realidade derivada da COVID-19.
Sobre o Pavillón Óscar Pereiro e a Piscina Municipal nel ubicada, desde o Concello irase informando próximamente á veciñanza mosense de todas e cada unha das medidas e decisións adoitadas, data de reapertura, horarios, condicións de uso, etc.
Neste senso a alcaldesa de Mos, Nidia Arévalo, insiste en que, “se ben, primarase sempre a seguridade e a saúde da cidadanía, cumprindo escrupulosamente os protocolos sanitarios, e as medidas, recomendacións e normas establecidas neste senso; e priorizaranse a prudencia e a cautela por riba de todo”.
A rexedora local mosense lembrou tamén que a partires do día 1 de setembro celebraranse reunións con cada colectivo: culturais, deportivos, ANPA, etc. para planificar a posible reanudación da actividade a partir do próximo mes.
