14.9 C
Pontevedra
Venres, 20 de Maio de 2022
Máis
    HomeLouriñaMosOs interesados en compoñer a letra do himno de Mos xa poden...

    Os interesados en compoñer a letra do himno de Mos xa poden presentar as súas creacións por Rexistro

    Teñen un prazo de 60 días a contar desde onte. Unha vez sexa elixido o himno, será levado a Pleno para a súa aprobación e presentado o 13 de xuño, Día da Rosa

    A alcaldesa de Mos, Nidia Arévalo, e a concelleira de Cultura, Turismo e Participación Cidadá mosense, Sara Cebreiro, informaron esta mañá de que onte abriuse o prazo de presentación de propostas para a letra do himno oficial do Concello de Mos, que permanecerá aberto durante 60 días a contar dende o día de onte, xoves 20 de xaneiro de 2022.

    A aprobación das bases aprobouse en Pleno pola maioría de membros da Corporación Municipal o pasado mes de decembro.

    Mos conta cun himno municipal propio, a Alborada CAMIÑO DA ROSA, do gaiteiro e compositor Xulio Lorenzo (aprobado en pleno con data 18 de decembro de 2017), e agora, co obxectivo de que este himno conte ademais cunha letra que o diferencie do resto dos municipios, iníciase este procedemento.

    Deste xeito redactáronse as bases que rexen a presentación de propostas para a posterior elección da letra para o himno de Mos.

    A letra do himno deberá ser aprobada en Pleno. Os participantes deberán ser os lexítimos titulares dos dereitos da letra e estar dispostos a ceder os seus dereitos ao Concello de Mos.

    Sobre as características da letra, esta poderá presentar unha proposta calquera veciño, veciña ou colectivo (Asociación veciñal, social, cultural, Escola, Grupo, Centro Educativo… ) de Mos ou doutro lugar. A letra terá que ser en galego. A letra deberá ser acorde á historia, ás tradicións e costumes do lugar e á paisaxe do municipio de Mos. Deberá ser unha letra inédita do/a propio/a escritor/a ou compositor/a.

    Serán valoradas todas as propostas presentadas no Rexistro Xeral municipal dende o día seguinte á publicación no BOP e por un prazo de 60 días naturais. Horario de rexistro: de luns a venres: de 9.00 h a 14.00 h. Tamén se pode presentar por rexistro electrónico e toda a información ao respecto pode consultarse na web do Concello de Mos na seguinte ligazón:

    A valoración das propostas realizarase entre un xurado profesional (50 % da puntuación) que constituirá unha mesa de traballo, a Corporación Municipal (25% da puntuación) que tamén constituirá unha mesa de traballo formada por cada un dos voceiros de cada partido político e un xurado popular (25% da puntuación).

    Como membros do xurado popular poderán votar todas aquelas persoas que o desexen. Só será contabilizado un voto por persoa e unicamente poderase votar a través da aplicación específica “A letra do noso himno” creada para tal fin, e que estará vencellada única e exclusivamente á web municipal. Unha vez sexa elixido o himno, será levado a pleno para a súa aprobación e será o Secretario municipal o encargado de iniciar os trámites necesarios sobre este asunto indicando a Lexislación aplicable e o procedemento posterior a seguir. O himno será presentado oficialmente o 13 de xuño de 2022, DÍA DA ROSA.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS