24.5 C
Pontevedra
Venres, 19 de Xullo de 2024
Máis
    HomeLouriñaMosO Programa Integrado de Emprego de Mos supera, no que vai de...

    O Programa Integrado de Emprego de Mos supera, no que vai de ano, o 50 % de inserción laboral

    O Programa Integrado de Emprego 2023 Concello de Mos, continúa coas suas accións incorporando ao mercado laboral, diversos postos vencellados aos itinerarios realizados coas 100 persoas usuarias do mesmo. Así o informou a concelleira de Formación e Emprego e responsable da Axencia de Colocación, Julia Loureiro, quen tamén explicou que “cóntase coa colaboración de empresas locais para a cobertura de vacantes na tempada estival, realizando tarefas de intermendación laboral nos postos máis demandados e vinculados principlamente aos sectores de referencia na contorna: Sector Servizos e Sector Industrial”. Trátase esta da oitava edición do Programa Integrado de Emprego de Mos que titoriza a 100 usuarios na busca proactiva dun posto de traballo.

    Esta VIII edición do Programa Integrado de Emprego do Concello de Mos comezou en novembro do ano pasado e conta con subvención auntonómica da Consellería de Emprego e Igualdade da Xunta de Galicia, que aporta 250.000 euros do total de 314.465,41 euros que custa o proxecto. O importe restante é cofinanciado pola administración local mosense.

    Dos 100 participantes no Programa, na actualidade, están traballando 51 e a realizando prácticas non laborais 11 persoas usuarias, ademais continuar asesorando e orientado a aquelas persoas demandantes na procura activa de emprego, nos procesos de selección ou noutros perfís profesionais dende a perpectiva do actual mercado laboral, para poder acadar con éxito a inserción laboral da totalidade das persoas participantes antes da súa finalización o vindeiro 16 de novembro.

    Con esta porcentaxe actual de inserción do 51 % xa se superou o obxectivo final do programa, pois se establecía a inserción dun mínimo dun 45 % das persoas participantes. Aínda que se aspira a a inserción laboral da totalidade das persoas participantes. Outros dos obxectivos do Programa Integrado son: a mellora da empregabilidade das persoas participantes. Ser un instrumento útil para as empresas, traducido na adecuación dos perfís profesionáis para unha posible incorporación ás suas empresas. E ofrecer medidas de apoio ao participante tales como a axuda de 7 €/día por participar nas acciós que se establezan nos seus itinerarios de inserción e medidas de conciliación, se as necesitan. Todas as persoas interesadas en participar no novo Programa Integrado de Emprego, na súa vindeira 9ª edición 2023-24, que solicitou o Concello, poden achegarse á Axencia de Colocación, chamar ao 986487786 ou ben solicitalo no correo piemos@concellomos.es.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.