26.6 C
Pontevedra
Venres, 20 de Maio de 2022
Máis
    HomeLouriñaMosO medallista finalista e mellor ‘jogo de Siriúna’ no Campionato Ibérico de...

    O medallista finalista e mellor ‘jogo de Siriúna’ no Campionato Ibérico de Capoeira, “Bambino”, é veciño de Mos e dá clases en Torroso

    Arturo Seminario trouxo para Mos 2 medallas e imparte clases no Centro Dotacional os mércores de 20.15 a 21.15 horas

    O concelleiro de Deportes mosense, José Areal, visitou esta tarde no Centro Dotacional de Torroso, onde imparte clase, ao mosense veciño de San Antoíño, parroquia de Louredo, Arturo Seminario Wunder, máis coñecido como “Bambino”, para felicítalo como medallista no último Campionato Ibérico da escola Abadá-Capoeira, onde logrou 2 medallas.

    “Bambino” é Graduado da escola Abadá-Capoeira e Profesor de Capoeira en Mos no Centro Dotacional do Medio Rural de Torroso. Imparte clases todos os mércores en horario de 20.15 horas a 21.15 horas. As persoas de 13 anos de idade en diante interesadas en practicar esta arte marcial poden inscribirse nas clases de Seminario, preguntando por elas no propio Centro Dotacional. Arturo Seminario está interesado en ampliar o rango de idades o vindeiro curso e impartir clase en Torroso tamén á poboación infantil.

    A cidade de Burgos acolleu en febreiro os Jogos Ibéricos da escola Abadá Capoeira, na súa XVIII edición. Capoeiristas de España e Portugal mediron as súas forzas na 2º competición de maior envergadura celebrada fóra de Brasil, o país de orixe desta arte marcial afrobrasileña, que combina loita, acrobacias e música.

    Durante os días 17, 18, 19 e 20 de febreiro uns 200 capoeiristas, reuníronse na cidade de Burgos, para gozar duns días de talleres, formación, competición e intercambio de experiencias. Este ano por primeira vez, tras un parón de dous anos pola pandemia, contou coa singularidade de ser un evento híbrido, de forma presencial e en liña.

    Arturo Seminario Wunder, máis coñecido no mundo da Capoeira como “Bambino” é graduado da escola Abadá-Capoeira, con 14 anos de experiencia nesta arte marcial e 5 anos dando clases para adultos, mozos e nenos na zona sur de Galicia, e é un dos pioneiros no ensino de capoeira infantil en Galicia.

    “Bambino” é un capoeirista que ama o que fai e ademais gústalle competir. O pasado febreiro obtivo dúas medallas, unha de finalista e outra como mellor ‘jogo de Siriúna’; representou a España e leva o nome de Mos a todos os lugares onde dá clase e compite, é dicir, por todo o mundo, xa que é competidor a nivel internacional.

    Os Jogos Ibéricos inauguráronse por primeira vez no Porto en 2004, e a súa sede vaise turnando desde entón entre cidades de España e Portugal.

    Bambino, alumno de Mestrando Cascão (Mestre Carioca brasileiro residente en Braga-Portugal), chegou á final desta competición na categoría A (Categoría co nivel máis avanzado), os competidores ‘jogan’ en parellas, tendo que realizar tres ‘jogos’ en cada eliminatoria, Benguela (‘jogo’ técnico con movementos de marcación e destreza no chan), Siriúna ( ‘jogo’ onde sobresaen as acrobacias) e de São Bento de Abadá (‘jogo’ máis obxectivo, a marcialidade imponse, golpes esquivas e derribas a unha gran velocidade).

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS