23.8 C
Pontevedra
Domingo, 2 de Outubro de 2022
Máis
    HomeLouriñaMosO Concello de Mos incumpriu as bases do Plan Concellos cun cartel...

    O Concello de Mos incumpriu as bases do Plan Concellos cun cartel propagandístico

    A colocación dun cartel propagandístico por parte do Concello de Mos sobre as inminentes obras da senda peonil do Foxo Vello, na parroquia de Pereiras, aproveitando a celebración das festas da parroquia pon en risco a subvención de 406.926,42 euros solicitada ao abeiro da convocatoria do Plan Concellos 2022-23. O cartel omite que as obras están financiadas ao 100 % pola Deputación. A alcaldesa, Nidia Arévalo, vén de recibir unha carta asinada pola xefa do servizo provincial de Cooperación, e instrutora do expediente administrativo da subvención, cun recordatorio da obriga do Concello de cumprir as bases, así como das posibles consecuencias do contrario.

    A presencia do valado promocional, de grandes dimensións, está acreditada, cando menos, entre o 9 e o 12 deste mes no torreiro das festas da parroquia de Pereiras coincidindo coas festas do Libramento. Baixo un gran escudo e o nome do Concello de Mos aparece unha infografía sobre o aspecto final da obra. O texto reflicte: “Próxima actuación. Senda do Foxo Vello en Pereiras. Importe total proxecto: 406.926,42 euros”, cantidade coincidente coa subvención solicitada á Deputación. A obra, cuxa licitación, corresponde ao concello  está a piques de seren adxudicada. A achega provincial repártese entre 154.603,67 euros na anualidade de 2022 e os restantes 252.322,75 euros na de 2023. A pesar de achegar o 100% do importe, non hai mención algunha á Deputación.

    O deputado de Cooperación Santos Héctor lamenta un comportamento que só pode cualificarse como “unha absoluta deslealdade institucional” e lamenta, ademais, que o valado fose montado “con nocturnidade e alevosía”. “Está claro que houbo mala fe porque é un cartel encargado e instalado para que o vise a xente da parroquia e do resto do municipio que foi  ao Libramento, dado que está colocado nun lugar protagonista en pleno recinto festivo”.

    A base  18ª do Plan Concellos 2022-23 obriga aos concellos beneficiarios a dar a adecuada publicidade ao financiamento por parte da Deputación das actuacións subvencionadas. No punto b) concreta a obriga de “facer constar en todas as accións de comunicación ou publicidade (carteis, folletos, programas, placas, cartas ou páxina web, entre outras) o apoio que dá a Deputación. Isto farase mediante a inclusión do seu logotipo nun lugar visible”. Ademais, a base 21, no seu punto primeiro “faculta á Deputación a comprobar “en calquera momento” que se fixo a publicidade da subvención concedida nos termos previstos nas bases e, de non ser así, non procederá ao libramento”.

    “Tendo constancia de que se colocou un cartel sen a debida publicidade do financiamento da Deputación é a miña obriga advertirlle para que inicien as medidas necesarias para a subsanación desta omisión da colaboración da Deputación de Pontevedra, de forma que procuren que en todas as accións de comunicación que se realicen se faga constar expresamente a subvención concedida pola Deputación”, apunta a xefa do servizo de Cooperación na carta á alcaldesa.

    Santos Héctor lamenta que se produzan este tipo de comportamentos “cunha Administración provincial tan municipalista, aberta e transparente como é esta Deputación, que achega importantísimos recursos a tódolos concellos da provincia, sempre en base a criterios regrados e sen ningún tipo de discrecionalidade política”. A este respecto destacou que Mos ten recibido máis de 11,2 millóns de euros dende 2016 ata a actualidade dos que case 7,5 millóns corresponden ás achegas dos sucesivos Plan Concellos cos que se financiou máis dunha trintena de obras. De feito con cargo á convocatoria bianual 2022-23 están solicitadas, ademais da senda do Foxo Vello en Pereiras, a nova beirarrúa dende o Centro Cultural de Guizán ao Cruce do Moreno (657.456 euros), a mellora da seguridade viaria e da mobilidade peonil na estrada Mos-Puxeiros (133.963 euros) e a mellora da seguridade na estrada da Vía (parroquias de Tameiga, Dornelas e Torroso), con outros 354.929 euros.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS