O vindeiro domingo Mos celebra, como cada ano no mes de maio, o festival infantil Canto Conto. Neste 2023 lévase a cabo xa a sétima edición que se presentou nos colexios mosenses CEIP Mestre Martínez Alonso de Castro-Mos e Pena de Francia.
Con motivo da devandita presentación do Festival, a mascota televisiva do ‘Digochoeu’, o ‘Digochiño’, do programa educativo infantil da TVG, visitou ambos centros educativos. O ‘Digochiño’ presentou, xunto co grupo de cativos “Xeración M”, a canción da banda sonora do programa que se estreará na Gala de Entrega de Premios ‘Digochoeu’ 2023, o vindeiro 16 de maio en Santiago de Compostela.
O Canto Canto chega á VII edición dun festival cargado de concertos, entretemento, familia, xogos, natureza, hinchables, obradoiros, e moito máis!
Este encontro para as familias terá lugar no Parque da Pesqueira, na parroquia de Mos, durante toda a xornada do domingo 14 de maio, en horario de 11 a 20 horas.
A primeira actuación dará comezo ás 12 horas co concerto ‘Ollo ao piollo’. Ás 13 horas chegará o turno das Maimiñas & Choque Big Band e ás 14 horas haberá unha visita dos Bolechas.
Ás 15:30 horas, pasarrúas a cargo de Troula Animación, ás 16 horas concerto de ‘El Legado de Tibu’ e, de novo, ás 17:30 horas, visita dos Bolechas.
Troula fará outro pasarrúas ás 18 horas, que irá seguido do último concerto do día: ‘Titiriteros de Binéfar’.
Durante todo o día haberá talleres e actividades de entretemento como obradoiros de arxila, xogos hinchables, obradoiros de chapas e xogos a cargo de Animarte.
As familias participantes poderán repoñer forzas nos foodtrucks de comida que contarán ademáis con opcións sen glute, sobremesas, e bebidas.