16.5 C
Pontevedra
Luns, 16 de Maio de 2022
Máis
    HomeLouriñaMosMos inviste preto de 700.000 euros en completar o saneamento no municipio

    Mos inviste preto de 700.000 euros en completar o saneamento no municipio

    Acometeranse un total de 4 quilómetros de nova rede e darase servizo a 444 habitantes

    Imaxe de arquivo dalgunhas das útimas obras de saneamento acometidas nas parroquias de Louredo, Guizán e Cela

    O Concello de Mos dá os últimos pasos para completar xa totalmente a rede de saneamento no municipio, e á obra de saneamento en Pereiras que financia Augas de Galicia que se iniciará a próxima semana, súmanse agora outras dúas das que se está xa a rematar o procedemento de contratación. Son a ampliación da rede integral de saneamento nas parroquias de Petelos e Sanguiñeda, con cargo ao Plan Concellos, e o saneamento na N-550 tramos 5, 6 e 7, na parroquia de Mos, que se acometerá con fondos propios da administración local mosense.

    Pereiras

    A Xunta de Galicia adxudicou á empresa concesionaria a contratación destes traballos por un importe de 430.000 euros. O prazo de execución é de 4 meses. Este contrato enmárcase na colaboración entre a entidade dependente da Consellería de Infraestruturas e Mobilidade, Augas de Galicia, e o Concello de Mos.

    Mediante esta colaboración dáse cumprimento ao acordado co Concello, que en decembro de 2019 executou xa parte da rede de saneamento na zona sur desta parroquia, financiada integramente pola entidade local. Deste xeito, a Xunta asume o seu compromiso de financiar o 75% as obras de saneamento desta nova fase na parroquia de Pereiras.

    A parroquia de Pereiras divide a súa rede de saneamento en zona norte e zona sur, quedando pendente de completar toda a zona norte e parte da sur non executada e que quedarán completadas unha vez rematada esta obra.

    A rede deseñada servirá unha poboación máxima de 96 habitantes na zona norte e 132 habitantes na zona sur e completará e rematará a rede de saneamento na parroquia de Pereiras.

    Na zona norte proxéctase un colector principal, cunha lonxitude duns 593 metros e un colector secundario, cunha lonxitude de 178 metros. Executaranse tamén 35 pozos. Na zona sur, completarase a intervención coa execución de 1.052 metros de tubaxe e un total de 46 pozos. Coa mellora proxectada servirase unha poboación de 96 habitantes na zona norte e 132 habitantes na zona sur.

    N-550

    O Concello de Mos financia con fondos propios municipais as obras necesarias para realizar a rede de saneamento nos tramos da N-550 (tramos 5, 6 e 7) na parroquia de Mos, cun investimento de 72.124 euros.

    Con este proxecto darase servizo a 51 habitantes e 17 vivendas. Trátanse dos ramos 5, 6 y 7 (N-550) (parroquia de Mos). As obras consisten na canalización das diferentes tubarías de PVC destinadas á rede de saneamento incluíndo todas as operacións complementarias: excavacións, pozos e reposicións.

    No Tramo 5 instalaranse 215,85 metros de saneamento, no Tramo 6: 71,00 metros e no Tramo 7: 258,28 metros.

    Petelos e Sanguiñeda

    As obras obxecto do presente proxecto, financiadas mediante subvención do Plan Concellos da Deputación de Pontevedra e cun orzamento de 138.000 euros, consisten na ampliación e mellora da rede de saneamento das parroquias de Sanguiñeda e Petelos, co fin de chegar a todos aqueles lugares e vivendas do concello de Mos, que inda carecen deste servizo. Levarase a cabo a execución de 1.342,60 metros de saneamento por gravidade e 205,00 metros de impulsión repartidos do seguinte xeito: Camiño do Cocho 689,27 metros, Camiño da Fontiña 364,47 metros, Camiño da Garabulla 288,86 metros e bombeo de Amieirolongo 205,00 metros.

    Con este proxecto darase servizo a 165 habitantes e 55 vivendas.

    En total Mos investirá nestas 3 obras 640.124 euros, acometerá 3.915,73 metros de rede de saneamento e dará servizo a 444 habitantes.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS