16.4 C
Pontevedra
Venres, 14 de Xuño de 2024
Máis
    HomeLouriñaMosMos dá un paso máis no seu camiño cara a transformación fomentando...

    Mos dá un paso máis no seu camiño cara a transformación fomentando o comercio local

    O evento ‘Queda en Mos’ dará un impulso ao comercio abrindo unha nova etapa para a economía local. O Concello de Mos dinamiza este encontro multisectorial entre os comerciantes e profesionais locais para estimular o asociacionismo e a visibilización.

    A pasada semana, no Multiusos das Pozas, tivo lugar a presentación do novo proxecto ‘Queda en Mos’. No evento, reuníronse os responsables da iniciativa, que ten como obxectivo dinamizar accións beneficiosas para promover e impulsar o comercio local, a hostalaría e o turismo mosenses.

    A alcaldesa, Nidia Arévalo, acompañada pola concelleira de Emprego e Participación cidadá, Julia Loureiro, presentaron as primeiras accións do proxecto ‘Queda en Mos’ como o punto de partida das accións que se desenvolverán.

    Na presentación, revelaron nunha proxección de vídeo a nova identidade corporativa que simboliza ao sector e anunciaron a celebración dun evento expositivo dos comerciantes que estará aberto a todo o público.

    Os comerciantes aportaron a este acto de presentación unha cesta con agasallos que se sorteará para todo o público no día do evento.

    Segundo Arévalo, a identidade corporativa representa ás dez parroquias mosenses unidas polo comercio. Destacou o apoio do Concello aos comerciantes coa organización da I edición do evento ‘Queda en Mos’ que terá lugar no Multiusos das Pozas o domingo 17, a partir das 10:00h ata as 21:00h; e no que xa confirmaron a súa presenza más dunha vintena de negocios locais.

    Os empresarios participantes proceden de todas as parroquias de Mos e a exposición conta tamén con emprendedores, algún deles destacando pola seu enfoque innovador a nivel local e outros a nivel internacional.

    Sinalaron que os comerciantes recibirán ao público mosense e visitantes para que poidan coñecer os negocios locais, os seus produtos e servizos. Haberá un ambiente similar ao dun centro comercial aberto con hostalaría, actividades infantís e espazo para demostracións dos comerciantes.

    A concelleira confirmou a participación artistas emerxentes e destacou a actuación musical da asociación das folclóricas ‘Lagharteiras’ de Mos que participaron no himno do Centenario do Real Club Celta con C.Tangana. O grupo de pandereteiras actuarán ás 12:30h e asegura ambiente de lecer, entretemento e diversión para adultos e público infantil.

    A alcaldesa concluíu o acto de presentación cun chamamento ao emprendemento, á unión comercial e á óptima utilización dos recursos dispoñibles, como os programas de apoio das institucións ás iniciativas comerciais e o contexto do proxecto promotor ‘Queda en Mos’.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.