17.6 C
Pontevedra
Luns, 15 de Abril de 2024
Máis
    HomeLouriñaMosMos corre contra o cancro

    Mos corre contra o cancro

    Hoxe foi presentada a primeira edición desta carreira popular solidaria que se celebrará o domingo 26 de febreiro

    Esta mañá celebrouse no salón de sesións do Concello a presentación da carreira 10K, ‘CorreMOS contra o CANCRO’, organizada pola admistración local mosense, á que asistiron a alcaldesa de Mos, Nidia Arévalo; Sara Cebreiro, concelleira de Política Social, Igualdade e Participación Cidadá, José Areal, concelleiro de Deportes, Carlos Adán, atleta olímpico que participou nos Xogos de Barcelona 1992 na proba de 10.000 metros, a polifacética deportista mosense, Verónica Romero, e membros da directiva da Xunta Local de Mos da AECC.

    Este evento deportivo será solidario e o recadado coas inscricións será íntegramente destinado á Asociación Española contra o Cancro.

    A carreira celebrarase o domingo 26 de febreiro con saída e chegada ao Pazo de Mos. Os/as interesados/as en participar contan coa posibilidade de decantarse pola opción de andaina ou carreira. Ás 10.15h sairá andaina cun percorrido de 5K de distancia e ás 10.30h dará comezo a carreira 10K (1ª volta 5.400 m e 2ª volta 4.600 m).

    Para participar é precisa inscrición previa a través da web www.cronotec.es ou en dependencias municipais, cun importe de 5€ para a andaina e a carreira 10 €.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.