17.2 C
Pontevedra
Sábado, 16 de Outubro de 2021
Máis
    HomeLouriñaMosMos conclúe a campaña intensiva estival contra incendios tras ter actuado en...

    Mos conclúe a campaña intensiva estival contra incendios tras ter actuado en 112.000 metros cadrados de terreo

    A pasada semana remataron o seu contrato os 14 brigadistas contratados polo Concello grazas a dúas subvencións autonómicas

    O venres concluiu a campaña intensiva de prevención contra incendios en Mos coa finalización do contrato dos últimos brigadistas contratados durante o verán.

    A campaña remata tras ter intervido nun total de 111.900 metros cadrados, preto de 12 hectáreas, e realizado 66 actuacións entre talas, desbroces, execucións subsidiarias de limpeza de fincas, prevención e mantemento de zonas forestais e incendios forestais. No caso de extinción de lumes tratáronse de focos comprendidos entre os concellos de Mos, O Porriño, Tomiño, Gondomar, Pazos de Borbén, Redondela e Vigo.

    Todos estes traballos foron executados por 14 brigadistas contratados polo Concello de Mos durante os meses de verán, de xullo a outubro, grazas a 2 axudas autonómicas da Xunta de Galicia.

    Con cargo ao Convenio interadministrativo subscrito entre a Consellería de Medio Rural e o Concello de Mos para a participación na prevención e defensa contra incendios forestais, contratáronse a 12 traballadores nos postos de Oficial 1ª conductor motobomba (7), Xefe de brigada (1) e Peóns (4).

    Tamén a través doutra subvención da Xunta de Galicia traballaron neste ámbito 2 persoas na brigada contra incendios a través do programa de fomento do emprego no medio rural (Aprol Rural) da Consellería de Economía, Emprego e Industria, en postos de peón forestal.

    Todos eles coordinados polo axente responsable do Servizo Municipal de Emerxencias de Mos, Rodrigo Iglesias, que depende da concellería de Medio Ambiente Sostible mosense, dirixida polo edil Leo Costas.

    Foto de arquivo

    No total de actuacións realizadas o pasado verán dentro da campaña intensiva de prevención contra incendios inclúense actuacións en tarefas de prevención tales como 27 intervencións nun total de 38 parcelas, cunha superficie de 60.000 metros cadrados, de expedientes de execución subsidiaria de limpeza e tala. E as zonas de titularidade pública nas que se acometeron traballos foron o polígono da Veigadaña, Penacova e Alfacuca, que sumaron unha superficie traballada 25.000 metros cadrados. A superficie estimada total dos traballos acometidos é 85.000 metros cadrados. Mentres que as actuacións en tarefas de intervención en lumes forestais producíronse nun total de 28 incendios entre Mos e os outros 6 municipios arriba mencionados.

    E ademais realizouse por primeira vez en Mos de xeito subsidiario a tala de parcelas grandes que se contratou cun madeireiro. Por parroquias, en Dornelas taláronse 5.700 metros cadrados, en Louredo 10.500 metros cadrados, en Cela 8.700 metros cadrados, en Pereiras foron os propios propietarios os que realizaron as tala e e foron 2.000 metros cadrados. En total 26.900 metros cadrados de terreo pegado a vivendas onde se retiraron eucaliptos, piñeiros, acacias mimosas e outras especies prohibidas dentro do Plan Municipal contra Incendios. En todas estas parcelas despois de talar desbrozouse e triturouse o sobrante.

    Á súa vez moitos veciños procederon a realizar voluntariamente talas e limpezas pero a concellería de Medio Ambiente sostible continuará coa realización de talas e desbroces durante o outono e o invierno para chegar á vindeira primavera ao día.

    COLABORACIÓNS

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    ¡Ponga un volcán en su vida!

    Las generaciones actuales, sin lugar a dudas, van tener bastante que contarles a sus nietos. Hemos vivido una fuerte crisis económica (la de las famosas subprime), hemos padecido, y seguimos sufriendo, la primera gran epidemia global del siglo y ahora, además, tenemos el "maravilloso" espectáculo del volcán de La Palma, algo que no se podía ver en nuestro país desde hace muchos años, así que para llevar poco más de 21 años de siglo, pues no está nada mal, pero como sigamos a este ritmo...

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    13 POSTS0 COMMENTS
    Roberto Mera
    2 POSTS0 COMMENTS