16.8 C
Pontevedra
Martes, 18 de Maio de 2021
Máis
    HomeLouriñaMosMos, concello pioneiro en entregar medidores de C02 á hostalería

    Mos, concello pioneiro en entregar medidores de C02 á hostalería

    A alcaldesa anunciou que xa lle fixo o pedido á empresa mosense Rodavigo e que serán entregados a próxima semana, doando a empresa Rodavigo o 50% do custe dos dispositivos

    A alcaldesa de Mos, Nidia Arévalo, anunciou que o Concello ven de facerlle un pedido á empresa mosense Rodavigo de aparatos medidores de CO2 para todos os negocios de restauración do municipio, e axudalos así a que se axusten ao Plan de Hostalería Segura de Galicia que esixe garantir a calidade do aire no local.

    Deste xeito a alcaldesa declarou ao respecto desta medida municipal de apoio aos hostaleiros que “desde esta administración local consideramos que a restauración precisa nestes intres máis apoio que nunca por atoparse nunha tesitura enormemente delicada, de xeito que estamos en constante busca de posibles vías de colaboración asumibles desde o Concello e esta é una delas”. A rexedora local mosense informou ademais de que o pedido xa está realizado e a entrega aos hostaleiros dos medidores de CO2 realizarase a vindeira semana.

    O director xeral da empresa mosense Rodavigo, á que o Concello lle encargou os medidores, Nazario Correa, destaca que atopar un medidor de CO2 non é algo tan sinxelo, non está en calquera tenda de electrodomésticos, aínda que é seguro que se vai a popularizar de forma inmediata.

    Coa obriga de implantar medidores de CO2 para controlar a calidade do aire nos establecementos, e ante as dificultades de atopar estes dispositivos en cadeas de electrodomésticos locais, os propietarios lánzanse de inmediato a Internet, algo que non terán que facer neste caso os hostaleiros mosenses pois disporán do seu medidor a semana que ven do que lle fará entrega o Concello de Mos.

    Os distribuidores destes aparatos temen que o caso dos medidores de CO2 sexa similar ao das máscaras, por exemplo, cunha demanda súbita e desproporcionada, que provoque un desabastecemento en pouco tempo. En calquera caso, como subliñan, o medidor é un investimento que se fai unha soa vez e non require ningún tipo de mantemento.

    Ademais, no caso de Mos, existe a alternativa dun distribuidor pioneiro neste material, Rodavigo, grazas ao que o Concello convírtese tamén en municipio pioneiro en obsequiar aos seus hostaleiros con esta nova tecnoloxía obrigatoria a partir do vindeiro 23 de abril.

    Cómpre lembrar ademáis que, a empresa Rodavigo, é a que a pasada primavera lle doou ao Concello de Mos 2.000 mascarillas infantís FFP2 para repartir entre nenos e nenas mosenses de 3 a 14 anos de idade, e agora volta a colaborar coa administración local mosense aportando o 50% do custe dos dispositivos medidores de C02.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS