Din os voluntarios de “Mos Axuda” que a ilusión está presente desde o día que se está preparando ata que se recollen as últimas físgoas do Nadal, “aquela na que temos en mente o sorriso inocente de todos os nenos ao recibir un dos agasallos que desde Mos Axuda entregamos con tanto agarimo e respecto”. “E é que hai tanto por facer para os máis pequenos que sempre temos a sensación de que é insuficiente. Por iso, queremos seguir contribuíndo e colaborando, tanto na campaña ningun neno sen agasallo como na recollida de comida non perecedoira para o Banco de Alimentos Mos Axuda”, afirman os voluntarios.
A Agrupación Mos Axuda, formada por voluntarios de todas as idades como Sara, Julio, Maria, Andrea; Protección Civil e o Concello de Mos, iniciaron o pasado sábado a “Campaña solidaria de Nadal” coa recollida de alimentos, que foron doados polos veciños nos supermercados do municipio: Lidl, Eroski e Gadis.
“Mos Axuda” é un proxecto do Concello de Mos nacido en 2015 como unha organización de reparto directo de alimentos entre as persoas máis desfavorecidas do municipio e apoiado polos Servizos Sociais municipais.
Seguindo coa súa traxectoria e perseguindo a finalidade de prestar axuda e protección aos máis necesitados, iníciana a campaña de nadal 2021 solicitando a colaboración de todos os centros educativos, empresas, autónomos, veciños e veciñas nesta datasde nadaltratándose ademais dunha campaña especial, debido á situación que viven moitas familias despois do COVID-19.
Cómo colaborar
Os voluntarios de Mos Axuda xa están dende o pasado sábado a traballar nunha GRAN RECOLLIDA DE ALIMENTOS polo que solicitan a axuda de todas as empresas e veciñanza, facendo unha doazón de alimentos antes do 20 de decembro.
As persoas interesadas en colaborar neste programa, poden avisar para que os voluntarios pasen pola súa empresa, centro educativo… no día e hora que indiquen, a recoller as doazóns.
Tamén poden entregalas no almacén de Mos Axuda, situado na avd. de Puxeiros a Peinador, chamando anteriormente ó número de telefono: 627 133 828.
Por outro lado traballan tamén no proxecto “Ningún neno sen agasallo”: esta iniciativa solidaria está promovida polo Concello de Mos en colaboración coa Asociación de Empresarios de Mos, para que ningún desexo dun neno este Nadal quede sen facerse realidade. (O listado de nenos é facilitado polo departamento dos servizos sociais de Mos e por suposto, os datos son totalmente confidenciais) trátase de mercar o regalo que aparece na carta do cativo/a e que posteriormente se entregue nas oficinas da Axencia de Colocación de Mos (Edificio administrativo na estrada Puxeiros a Peinador) antes do 30 de decembro, indicando no paquete o número da carta asignada.
Si desexa recibir unha destas carta dun neno de Mos, pode solicitala a través do seguinte enderezo: mosaxuda@concellomos.es.
Se vostede prefire realizar unha DOAZÓN ECONÓMICA para a compra de ALIMENTOS e AGASALLOS: pode facer un ingreso solidario no numero de conta que lle facilitarán os voluntarios de MosAxuda.
Teléfonos de información de Mos Axuda: 627 13 38 28 – 670 88 37 30
