18.5 C
Pontevedra
Xoves, 18 de Xullo de 2024
Máis
    HomeLouriñaMosHoxe finalizan as II Xornadas Muller e Traballo do CIM de Mos

    Hoxe finalizan as II Xornadas Muller e Traballo do CIM de Mos

    A subcampioa Olímpica Teresa Portela protagonizou a sesión inaugral de onte

    Esta tarde rematan as II Xornadas Muller e Traballo do CIM de Mos nas que onte participou Teresa Portela. As sesións que hoxe se desenvolverán no Pazo de Mos son “O malestar que non ten nome a cargo”, de Águeda Gómez, da Unidade de Igualdade da Universidade de Vigo; “A conciliación en cifras. Logros acadados e retos por conseguir”, por Tamara Miranda. Socióloga; “Novas masculinidades e corresponsabilidade” por Ramón Torrente. ara rematar, conclusión e peche da xornada.

    Águeda Gómez Suárez, que falará sobre “O malestar que non ten nome: académicas en tempos de pandemia”. É directora da Unidade de Igualdade da Universidade de Vigo. Profesora titular de universidade na área de socioloxía. Doutora en Socioloxía pola Universidade de Santiago de Compostela e licenciada en Socioloxía pola Universidade Complutense de Madrid, desenvolveu o seu traballo de investigación sobre cuestións relacionadas cos prexuízos de xénero na ciencia e a sociedade dixital. Dirixiu dezaoito investigacións como Investigadora Principal e publicou once libros.

    Na xornada inaugural, celebrada onte 19 de abril, contouse coa presenza da medallista olímpica Teresa Portela e o presentador deportivo da TVG, Terio Carrera.

    A primeira sesión da tarde de onte comezou ás 16:00 H cunha charla sobre dereitos laboráis, excedencia por coidado de fillos/as segundo homes e mulleres, excedencias por coidado de familiares dependentes, e reducións de xornadas a cargo da ponente Beatriz Lago (Avogada).

    Ás 16:50 horas falouse sobre a carga mental, síndrome BURNOUT: a tarefa invisible das mulleres, a culpabilidade e o benestar emocional, como afecta á saúde a carga mental, estratexias para repartir o peso do foga…. Conducirá a charla Fernando Tellería (Psicólogo).

    Contouse tamén con intervencións institucionais a cargo de Elena Mancha, Directora de Relacións Laborais da Xunta de Galicia e de Nidia Arévalo, alcaldesa do Concello de Mos. E a máis esperada da tarde foi a intervención de Teresa Portela (deportista) e Terio Carrera (xornalista) sobre conciliación e corresponsabilidade: os valores e a corresponsabilidade, os valores que lle ensinamos aos nosos fillos/as coa nosa actuación, educar no modelo de corresponsabildidade, e métodos para evitar conflitos coas tarefas do fogar.

    Teresa Portela, Subcampioa Olímpica en Tokio 2020. Primeira muller española en participar en 6 Xogos Olímpicos (Sydney 2000, Atenas 2004, Beijing 2008, Londres 2012, Río 2016, Tokio 2020) con 5 diplomas olímpicos, e una medalla de prata nos Xogos Olímpicos de Tokio 2020 en K1 200 metros. Outro dos seus retos conseguidos foi compaxinar a súa carreira deportiva coa súa formación académica, graduándose no Grao de Fisioterapia e Diplomatura de Maxisterio de Educación Física. A todo isto, súmase a súa maternidade, a difícil tarefa de conciliar o traballo coa súa vida familiar.

    Terio Carrera. Xornalista deportivo os últimos 34 anos. Traballa na TVG.

    A primeira xornada culminou coa charla sobre muller e discapacidade: dobre discriminación no acceso ao traballo, da man de Laura Freiría.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.