17.7 C
Pontevedra
Xoves, 23 de Maio de 2024
Máis
    HomeLouriñaMosConcello e Torroso preparados para iniciar o curso musical en setembro con...

    Concello e Torroso preparados para iniciar o curso musical en setembro con todas as medidas de seguridade

    Onte celebrouse unha reunión a este respecto na que tamén se aproveitou para asinar os convenios de colaboración coa Escola Municipal de Música e da Banda de Música Xuvenil de Torroso

    Representantes do Concello de Mos, da Escola Municipal de Música e da Banda de Música Xuvenil de Torroso reuníronse esta mañá no salón de sesións do Concello de cara á preparación do inicio do vindeiro curso no mes de setembro con todas as medidas de seguridade sanitaria.

    A Escola de Música e o Conservatorio Profesional de Torroso abrirán de novo as súas portas ao alumnado adaptándose ás novas e excecionais circunstancias que estamos a vivir. Para elo na xuntanza desta mañá coa alcaldesa de Mos, Nidia Arévalo, a concelleira de Cultura, Sara Cebreiro e o edil mosense da parroquia de Torroso, Alberto Méndez, abordaron as medidas de seguridade que incorporará o novo protocolo educativo que se porá en marcha no Centro Dotacional de Torroso a partir do próximo mes de setembro, co inicio do novo curso.

    Pola súa banda os representantes locais Arévalo, Cebreiro e Méndez manifestaron a súa total vontade de colaboración para manter a seguridade sanitaria ante o COVID-19 no municipio, e especialmente nos centros educativos, tal é o caso da Escola Municipal de Música de Mos, sita no Centro Dotacional de Torroso.

    Durante o novo curso manterase o protocolo que marca a normativa actual vixente.

    Por outra banda a administración local mosense continúa a apoiar a música e por elo, durante a reunión celebrada hoxe no Concello, aproveitouse tamén para asinar sendos convenios de colaboración, que se veñen asinando de xeito periódico anualmente, co Centro Cultural e Recreativo de Torroso para o funcionamento da Escola de Música e coa Banda de Música Xuvenil de Torroso. Ambos convenios foron asinados por Iván Rey Grandal, en calidade de presidente de ambas entidades, e pola alcaldesa de Mos, Nidia Arévalo.

    O convenio coa Banda está dotado dunha contía económica de 12.000 euros e o da Escola de Música Municipal recibe unha aportación de 45.000 euros. Polo que Torroso recibe un total de 57.000 euros en concepto de axudas municipais co obxectivo de seguir apoiando á musica, un dos principais elementos identificadores desta parroquia mosense.

    Durante a sinatura dos convenios Iván Rey Grandal estivo acompañado polo presidente da Comunidade de Montes de Torroso, Camilo Grandal, e polo vicepresidente do Centro Cultural e Recreativo de Torroso, Rubén García Ferreira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.