Onte pola tarde celebrouse na Igrexa de Santa Baia e no Pazo de Mos o acto “Acendemos o Xacobeo” promovido por Turismo de Galicia da Xunta de Galicia e o Concello de Mos, dentro da acción de iluminación de monumentos “CamiñodeSantiago2024” para dar a benvida ao novo ano, 2024.
Desde onte permanecerán iluminados ata o 8 de xaneiro a fachada do Pazo de Mos e a Igrexa de Santa Baia.
Ilumináronse de cor azul, coa proxección do logotipo do Xacobeo e a frecha amarela.
O acto contou tamén cun fermoso, entrañable e emotivo concerto de Malvela, grupo mosense que estivo acompañado pola súa gran madriña, a tamén cantante mosense Uxía.
Neste concerto especial achegaron a nosa tradición musical das festas do Nadal e cantaron algunas das panxoliñas do seu exitoso disco “O Aghinaldo” dedicado aos Cantos de Nadal. Entre o repertorio incluíron o tema titulado “Nadal en Mos”, composto pola devandita cantante mosense e productora de Malvela, Uxía.
Ao remate, todos os asistentes puideron degustar delicias do mar ofrecidas pola food truck da Xunta do programa ‘Galicia sabe a mar’ e tamén dun chocolate con churros.