A directora xeral de Xuventude, Participación e Voluntariado, Cristina Pichel, acompañada pola alcaldesa de Mos, Nidia Arévalo, a concelleira mosense de Participación Cidadá e Mocidade, Julia Loureiro, o edil da parroquia de Pereiras, Leo Costas, e representantes da organización do evento, participou na presentación do festival de cultura urbana Demostra, que terá lugar este víndeiro sábado, día 7 de outubro, en Mos. Esta iniciativa reunirá a amantes de diferentes disciplinas da cultura urbana no Skatepark de San Rafael en Pereiras.
Cristina Pichel puxo en valor a posta en marcha de iniciativas que atendan ás preferencias e intereses da xuventude. Ao longo de todo o sábado, realizaranse exhibicións de grafitti, skate, BMX ou scooter, entre outras actividades que detallamos a continuación:
- 10 h – 22 h: exhibición grafitti
- 11 h – 12 h: skate Amateur
- 12 h – 13 h: skate Avanzado
- 12 h – 13 h: primeira ronda de obradoiros
- 16 h – 17 h: BMX Amateur
- 17 h – 18 h: segunda ronda de obradoiros
- 17 h – 18 h: BMX Avanzado
- 18 h – 19 h: scooter Amateur
- 19 h – 20 h: terceira ronda de obradoiros
- 19 h – 20 h: scooter Avanzado
- 20 h – 21 h: entrega de premios e sorteos
- 22 h – 04 h: afterparty con DJ’s