17.7 C
Pontevedra
Xoves, 23 de Maio de 2024
Máis
    HomeLouriñaMosA Xunta licita a mellora da contorna da Igrexa de Torroso en...

    A Xunta licita a mellora da contorna da Igrexa de Torroso en Mos

    Grazas a esta actuación reforzase a accesibilidade e a funcionalidade de 2.750 m2 deste ámbito na parroquia de San Mamede

    A Consellería de Medio Ambiente, Territorio e Vivenda licita por un importe de 390.000 euros as obras de mellora da contorna da Igrexa de Torroso, no municipio de Mos.

    Trátase dunha obra que se executará no marco dun convenio de colaboración entre a Xunta e o Concello, e cuxa obra prevé un prazo de execución máximo de nove meses.

    Con esta actuación quérese mellorar a funcionalidade e accesibilidade dun ámbito de 2.750 m2 da parroquia de San Mamede. Os traballos comprenden a substitución do pavimento asfáltico por un pétreo, máis acorde coa contorna, que implicará a dotación de novas ou renovación de instalacións, e a reordenación do conxunto dos espazos adxacentes da igrexa; así como unha intervención na estrada Puxeiros-Mos.

    Así, realizaranse traballos de pavimentación de enlousado, definirase un muro de contención, e a substitución do pavimento de pedra na entrada principal do templo. Tamén se prevén a mellora da drenaxe, a instalación de alumeado público, a retirada de liñas aéreas existentes, a execución do axardinamento e a ampliación da masa arbórea do Campo da Festa.

    A execución desta obra cumpre con obxectivos do Plan Hurbe, un programa impulsado pola Xunta no ano 2010 para colaborar economicamente coas entidades locais na execución de diferentes intervencións e proxectos, co obxectivo común de crear, mellorar ou humanizar infraestruturas de uso público e colectivo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.