24.5 C
Pontevedra
Venres, 19 de Xullo de 2024
Máis
    HomeLouriñaMosA obra de construción de muro de contención no Piñeiro comezará o...

    A obra de construción de muro de contención no Piñeiro comezará o mes que vén

    A pasada semana celebrouse unha nova sesión ordinaria semanal da Xunta de Goberno Local, na que se deu conta dos trámites de contratación da obra de muro de contención na subida á Cañoteira, no Piñeiro, parroquia de Sanguiñeda; procedemento que se atopa prácticamente finalizado, polo que está previsto que os traballos comecen o vindeiro mes de setembro.

    Trátase da construción dun novo muro de contención que solucionará os desperfectos causados na zona polas últimas inundacións. Para elo, foille concedida á administración local mosense unha axuda provincial do Servizo de Cooperación da Deputación de Pontevedra. O obxecto da subvención é o de reparación de danos causados polas inundacións.

    Concretamente o investimento realizarase no “proxecto de muro de contención na subida á Cañoteira, no Piñeiro, parroquia de Sanguiñeda”. A concesión de subvención faise polo mesmo importe do gasto a realizar na obra: 50.751,32 euros.

    Para a acometida dos devanditos traballos o Concello posúe tódalas licenzas e permisos preceptivos para a execución do investimento ao abeiro do establecido nas bases reguladoras do Plan provincial de reparación de danos causados polas inundacións.

    O prazo aproximado de execución das obras é de tres meses desde o seu inicio. Prevese que o muro quede finalizado antes de que remate o presente ano 2023.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.