12.4 C
Pontevedra
Mércores, 21 de Febreiro de 2024
Máis
    HomeLouriñaMosA gran festa micolóxica de mos chega á súa décimo oitava edición

    A gran festa micolóxica de mos chega á súa décimo oitava edición

    Onte pola noite celebrouse no Pazo de Mos a presentación das XVIII Xornadas Micolóxicas e Forestais do Concello de Mos. No acto estiveron presentes o tenente alcalde, Camilo Augusto, o concelleiro de Medio Ambiente Sostible, Leo Costas, e edil de Participación Cidadá, Cultura e Turismo, Sara Cebreiro, o tamén concelleiro do equipo de goberno local, Gonzalo Alonso, a deputada provincial, Victoria Alonso, o presidente da Asociación de Hostaleiros BaRes Mos, Esteban Cidanes, representantes da Comunidade de Montes de Mos e Fundación Pazo de Mos, así como dos 6 negocios de hostalería mosenses participantes nesta 18 edición das xornadas: Adega da Tía Carmen, O Alpendre, Baxiña, Curuxeira, O Bocadiño e Maceira.

    O programa de actividades comezará o vindeiro 31 de outubro coa primeira das charlas formativas titulada “O Cultivo do Castiñeiro en Galicia”. Todas serán ás 20.30 horas no Pazo de Mos.

    A segunda das charlas titúlase “Media ducia de cogomelos que pasaron de comestibles a tóxicos” e terá lugar o día 2 de novembro. Pola súa banda o 3 de novembro, a experta micóloga mosense, parte fundamental e imprescindible destas xornadas, Puri Lorenzo, impartirá a charla “Iniciación á Micoloxía”. O venres 4 de novembro chegará o turo da charla “Cociñando cogomelos”.

    Ademais das conferencias didácticas realizarase a tradicional saída para recollida e identificación de cogomelos o sábado 5 de novembro en horario matutino de 10.00 horas a 13.30 horas; con saída desde o Pazo de Mos.

    A participación nas charlas require de inscrición previa na seguinte ligazón: https://bit.ly/3CrJwsz.

    Gran xornada de degustación

    A programación das Xornadas Micolóxicas incluirá tamén, e como non podía ser doutro xeito, a tan popular e esperada gran xornada de degustación de cogomelos e VI micromercado nos exteriores do Pazo de Mos. Será o domingo 6 de novembro de 12.00 a 15.00 horas e durante a mesma poderanse gozar dos pratos ofertados tanto pola propia Asociación BaRes Mos, como polos 6 establecementos participantes nas xornadas deste anp. A Adega da Tía Carmen servirá empanada e croquetas de pan de Millo e Setas. O Alpendre, Guiso de Fabas e Setas; Baxiña: Variado de Croquetas de Setas, Curuxeira: Tortilla de setas e Fajita de Setas. O Bocadiño: Tosta de Garbanzos con Setas, e a Hamburguesería Maceira: Mini burger de polo e trompetas dos muertos con carpaccio de setas de cardo e cheddar, e Niscalos ‘pibil’ e totopos de yuca con escuma de san simón e caviar cítrico. Ademáis do día da gran degustación, todos estes pratos poden probarse xa nos establecementos de cada un destes hosteleiros e durante todo o mes de novembro.

    A gran degustación do 6 de novembro contará ás 12.00 horas cun concerto en pequeño formato de Susana Seivane e unha actividade infantil ás 18.00 horas da man de Paco Nogueira baixo o título “Canto Contigo”.

    A mostra micolóxica e consulta aberta ao público estará operativa de 10.00 a 14.00 horas e de 17.00 horas a 20.00 horas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.