20.3 C
Pontevedra
Mércores, 6 de Xullo de 2022
Máis
    HomeBaixo MiñoTuiTui acolle a primeira proba do Campionato de España de Embarcacións T850...

    Tui acolle a primeira proba do Campionato de España de Embarcacións T850 e GT60

    O río Miño ao seu paso por Tui acolle esta fin de semana primeira das tres probas do Campionato de España de Embarcacións T850 e GT60. Participarán pilotos galegos, entre eles o vigués Keko Pereira, cataláns, andaluces e o inglés Cristian Burguess. As outras dúas probas celebraranse en Tarragona e Jeréz de la Frontera.

    A proba que se celebrará este sábado en Tui está organizada pola Real Federación Galega de Motonáutica, en colaboración co Concello de Tui e a Comandancia Naval do Miño. Constará de catro mangas, das que serán puntuables as tres mellores de cada piloto. O circuíto, fronte as instalacións da Comandancia Naval, será rectangular cun percorrido de 1.500 metros, delimitado por boias.

    A proba foi presentada este mediodía na Comandancia Naval do Miño, por parte do alcalde, Enrique Cabaleiro, o comandante Naval do Miño, Pablo Redondo, a deputada Iria Lamas, o concelleiro de Deportes, Rafael Estévez, o comisario xeral da proba e vicepresidente da Real Federación Galega de Motonáutica, Carlos Gago,  o piloto Keko Pereira, e o presidente de honra do Club Náutico San Telmo José Joaquín Rodríguez.

    O alcalde de Tui, Enrique Cabaleiro, destacou na presentación que “ningún lugar mellor ca este para esta proba deportiva” engadindo que se trata dun “territorio privilexiado pola relación que temos con Valença”, e nunha competición que atraerá a afeccionados á motonáutica tanto galegos coma portugueses, dicía.

    O rexedor tudense salientou tamén que actividades coma esta “serven para dar a coñecer e pór en valor a motonáutica” ao tempo que “contribúen á dinamización económica deste territorio”. Enrique Cabaleiro lembrou que ano pasado a proba celebrada en Tui xa foi un éxito e “ non teño a máis mínima dúbida de que este ano tamén o vai ser” afirmaba.

    O comandante Naval do Miño, Pablo Redondo, indicou que “a Armada está sempre encantada de acoller este tipo de actividades e de ser anfitrións deste Campionato de España”.

    Pola súa parte a deputada Iria Lamas, lembrou a “aposta polo deporte acuático” que fai a Deputación, para “que sexa un pulo para o turismo”, e nese senso afirmaba que “Tui é un sitio emblemático para dinamizar o turismo acuático”.

    Carlos Gago, comisario xeral da proba e vicepresidente da Real Federación Galega de Motonáutica, agradecía a colaboración de autoridades, colaboradores e patrocinadores  indicando que “ é un orgullo para nós poder organizar unha proba neste entorno”.

    Por último o piloto vigués Keko Pereira, que competirá coa embarcación coa que o ano pasado se proclamou subcampión de España, explicaba que o circuíto tudense é “moi rápido e especial pola corrente” engadindo que se trata tamén unha proba moi bonita polo enclave no que se realiza.

    Mañá venres dende as 17 h terán lugar as verificacións técnicas e administrativas que continuará o sábado a partir das 8.30 h. Entre ás 10.30 e ás 11.15 h terán lugar os adestramentos libres. As mangas disputaranse ás 12.30 h, 14.00 h, 16.30 h, e 18.00 h, estando prevista a entrega de premios ás 19.30 h.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS