15 C
Pontevedra
Martes, 23 de Abril de 2024
Máis
    HomeBaixo MiñoTuiPatrimonio informa favorablemente o proxecto de humanización da Avenida de Portugal de...

    Patrimonio informa favorablemente o proxecto de humanización da Avenida de Portugal de Tui

    Avanza deste xeito a tramitación previa á execución desta obra nun tramo do Camiño Portugués e entrada a Galicia dende Portugal

    O proxecto de humanización da Avenida de Portugal no tramo comprendido entre a vella Ponte Internacional e o cruce coa N-550 continúa avanzando na súa tramitación. En concreto a Dirección Xeral de Patrimonio resolveu autorizar as obras do Proxecto de construción de adecuación e mellora da seguridade viaria na estrada N-551 pk 1+400 a 1+850 coincidente coa traza do Camiño Portugués de Santiago coas condicións e consideracións técnicas indicadas no informe.

    O proxecto abrangue medio quilómetro coincidente co tramo do Camiño de Santiago. A actuación realízase nunha zona afectada pola protección do propio Camiño de Santiago, da vella Ponte Internacional e de varias edificacións integradas no Catálogo do Patrimonio Cultural de Galicia.

    O Ministerio de Transportes, Mobilidade e Axenda Urbana (Mitma) é quen promove e financia esta actuación valorada en máis de 500 mil euros. A súa execución suporá a mellora substancial na entrada a Galicia dende Portugal, e na porta de entrada do Camiño de Santiago dende o país veciño.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.