15.5 C
Pontevedra
Sábado, 22 de Xuño de 2024
Máis
    HomeBaixo MiñoTuiO PP de Tui cuestiona "a conveniencia" de contratar un cargo de...

    O PP de Tui cuestiona “a conveniencia” de contratar un cargo de confianza da Alcaldía

    O Grupo Municipal do PP, a través do seu portavoz José Ángel Fernández Rodríguez amosou a súa “disconformidade” coa decisión do alcalde de Tui de contratar un cargo de confianza para a xestión municipal “incrementando o gasto que supón para as arcas municipais os soldos para o goberno municipal”.

    Os populares de Tui pregúntanse sobre a necesidade da contratación dun cargo de confianza “existindo na actualidade un grupo de goberno integrado por 9 concelleiros con diversas responsabilidades nas áreas de competencia municipal”.

    Doutra banda, apunta o PP, “se o gasto nos órganos de goberno xa alcanza neste mandato Alcalde Enrique Cabaleiro un notable incremento ¿que xustificación existe para incrementar en máis de 27.000 de euros os gastos que supoñen os soldos do grupo de goberno?”

    • Cáles son as competencias que vai desenvolver este cargo de confianza, visto que non pode exercer funcións estrictamente administrativas nin directivas?.

    O grupo municipal popular, tamén se pregunta “que competencias vai desenvolver esta persoa xa que non pode exercer funcións estritamente administrativas nin directivas” e lembra que no anterior período do Goberno cuatripartito tudense “este mesmo cargo de confianza estivo desenvolvendo funcións que en ningún caso pode realizar o persoal de confianza, nunha irregularidade coñecida e consentida por aquel goberno municipal”.

    José Ángel Fernández Rodríguez remata apuntando que “son moitas as preguntas que a cidadanía tudense formúlase” reclama unha resposta do Alcalde tudense, “o mesmo que no ano 2011 manifestaba o seu absoluto rexeitamente ao que o alcalde daquel momento contase cun asesor de confianza, unha praza por certo que nunca foi cuberta e nos seguintes orzamentos foi amortizada”, conclúen os populares tudenses.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.