19 C
Pontevedra
Luns, 15 de Abril de 2024
Máis
    HomeBaixo MiñoTuiNastasia Zürcher enche Tui de música no proxecto «Camiño A Dentro»

    Nastasia Zürcher enche Tui de música no proxecto «Camiño A Dentro»

    «Un camiño de fusión e liberdade» terá como escenario a tudense Praza de San Fernando, fronte á Catedral, o venres 20 ás 18:30 horas

    O proxecto da Deputación de Pontevedra, «Camiño A Dentro» segue debullando etapas e logo de achegar a música de percusión ao Porriño; o debuxo e a ilustración a Oia; o teatro á Guarda e a fotografía a Nigrán, encherá Tui de música da man de Nastasia Zürcher o sábado 19 de outubro, ás 18:30 horas no Paseo da Corredoira.

    A autora

    Cantante e compositora galego-suíza, Nastasia Zürcher (Xenebra, 1988) foi galardoada e nomeada dúas veces aos premios Martín Códax da Música (Galician Music Awards, categorías ‘Blues, Funk & Soul’ e ‘World Music’).

    Recentemente Nastasia Zürcher publicou o que xa é o seu segundo álbum de estudo, ‘Bat’. O traballo flúe por estilos coma o neo soul, o R&B contemporáneo e as chamadas músicas do mundo. 

    Na súa xira de presentación #TheBEATtour, que está a tocar en salas e festivais como o Festival Noroeste, o XVIII Ribeira Sacra Festival e a Sala Capitol, Nastasia Zürcher rodéase de músicos de primeirísima liña nun potente e aplaudido directo composto unha vez máis das súas propias composicións e baixo a mirada do arranxador e produtor Adrián Saavedra. Con el leva o disco ao directo nun formato especial a dúo dándolle unha sonoridade máis urbana e fresca asentando os beats (ritmos) en pads e loops creados en directo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.