10 C
Pontevedra
Venres, 1 de Marzo de 2024
Máis
    HomeBaixo MiñoTuiDispositivo especial de tráfico con motivo da Cabalgata Internacional en Tui

    Dispositivo especial de tráfico con motivo da Cabalgata Internacional en Tui

    Tui recibirá hoxe aos Reis Magos de Oriente nunha Cabalgata Internacional que percorrerá as rúas da Eurocidade. Por iso, a Policía Local despregará un dispositivo especial de tráfico que restrinxirá a circulación e o estacionamento nos lugares e horarios que se detallan a continuación:

    -Queda prohibido estacionar dende ás 8h na rúa Augusto González Besada

    -Tamén queda prohibido estacionar dende as 12h na Avenida de Portugal e rúa Martínez Padín en ambos sentidos.

    -Haberá un corte de tráfico entre as 18h e as 19h dende a Avenida de Portugal até a rúa Calvo Sotelo.

    -Como alternativa para aqueles que queiran ir entre A Guarda e Vigo en ambos sentido, prégase circular pola A55 como vía alternativa.

    -Os autobuses de pasaxeiros da empresa Lugove entre A Guarda e Vigo poden sufrir alteracións nos seus horarios.

    Por todos estes cambios, o Concello de Tui quere agradecer a compresión da cidadanía e pide a máxima colaboración para o correcto desenvolvemento do evento previsto.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.