10.4 C
Pontevedra
Xoves, 28 de Marzo de 2024
Máis
    HomeBaixo MiñoTuiA Biblioteca Municipal de Tui presente nas redes sociais para promover a...

    A Biblioteca Municipal de Tui presente nas redes sociais para promover a lectura

    Abre contas en Facebook, Instagram e Twitter

    Dende o pasado luns 11 de xaneiro, coincidindo coa celebración do “Día dos usuarios das bibliotecas”, a Biblioteca Municipal de Tui comezou a súa presenza no ámbito das Redes Sociais abrindo os seus perfís en Facebook, Instagram e Twitter na procura de mellorar a súa comunicación co seus usuarios, cos afeccionados á lectura e, en definitiva, coa cidadanía en xeral.

    O obxectivo é promover a lectura como un eficaz e deleitoso instrumento de educación, cultura, información e lecer e informar sobre o funcionamento deste servizo público de carácter cultural que garante o acceso de todos os cidadáns á información e á cultura.

    Para a concelleira de Ensino e Cultura, Sonsoles Vicente, o obxectivo é informar aos nosos seguidores e compartir o noso gusto pola lectura. Por tanto dende a presenza da Biblioteca Municipal nas redes sociais é unicamente para informar da súa oferta e das propostas de lectura para todas as idades así como daquelas noticias e actividades, especialmente de dimensión local, que entendamos de interese.

    Podes seguir á biblioteca municipal tudense nas seguintes ligazóns:

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.