16.1 C
Pontevedra
Sábado, 18 de Maio de 2024
Máis
    HomeBaixo MiñoTomiñoTomiño saca a licitación a instalación de dous puntos de recarga de...

    Tomiño saca a licitación a instalación de dous puntos de recarga de vehículos eléctricos

    Ao abeiro da estratexia para camiñar cara a unha economía baixa en carbono, eliminando de maneira progresiva o emprego de combustibles fósiles e reducindo as emisións, Tomiño vén de sacar a licitación a concesión para a instalación, xestión e mantemento de dous puntos de recarga de vehículos eléctricos. 

    Estes dous puntos situaranse en espazos públicos de aparcadoiro gratuítos, con catro prazas situadas no núcleo urbano do Seixo e outras catro en Goián. A empresa concesionaria deberá facilitar a carga e o pago de servizos de forma dixital a través dunha aplicación móbil, ofrecendo as instrucións e pasos a seguir e dando a información que se poida precisar durante a recarga, como a enerxía consumida, a potencia instantánea, o tempo de recarga…

    Os puntos de recarga saen a licitación por un canon anual mínimo de case 570 euros, aínda que entre os criterios de adxudicación valoraranse as ofertas económicas máis vantaxosas, así como o mellor proxecto de implantación proposto. A concesión realizarase por un prazo de 12 anos prorrogable por períodos anuais ata un máximo de 20 anos. As entidades e empresas interesadas poderán presentar as súas ofertas ata o vindeiro 19 de maio.

    Trátase dunha proposta que busca facer de Tomiño un municipio máis ecolóxico, eficiente e sostible, sentando os alicerces “para crear unha infraestrutura pública para recarga de vehículos situadas en zonas de estacionamento público e gratuíto e incentivando á veciñanza, fomentando o uso de enerxías limpas e a renovación do parque móbil como referente de sustentabilidade ambiental”, como salienta a alcaldesa, Sandra González.

    A instalación destes novos puntos de recarga en espazos públicos, que busca unha mellora da eficiencia enerxética e unha mobilidade urbana sostible, é unha iniciativa que  forma parte dos obxectivos do Pacto das Alcaldías para o Clima e a Enerxía (PACES), unha iniciativa europea na que participa Tomiño na que gobernos locais e rexionais se comprometen a cumprir diferentes obxectivos que favorezan a transición cara a unha economía baixa en carbono.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.