17.9 C
Pontevedra
Martes, 16 de Xullo de 2024
Máis
    HomeBaixo MiñoTomiñoTomiño mellorou as súas escolas con motivo do inicio escolar

    Tomiño mellorou as súas escolas con motivo do inicio escolar

    O alumnado de Tomiño regresou ás aulas esta semana con instalacións renovadas. O Concello investiu máis de 100.000 euros na mellora, reforma e mantemento dos centros educativos de Infantil e Primaria do municipio, unhas obras que se realizaron na súa maior parte no verán para non interromper a actividade lectiva pero que tamén se abordaron no primeiro semestre do ano para resolver á maior brevidade diferentes problemáticas que xurdiron ao longo do curso pasado.

    Con estas obras o Concello busca, como explica a alcaldesa, Sandra González, “dar resposta ás necesidades detectadas nos diferentes colexios e que foron trasladadas dende as direccións. Pero tamén buscan seguir camiñando cara uns centros escolares máis sostibles enerxeticamente, totalmente equipados, modernos e o máis confortables posible para alumnado e equipo docente”.

    Co inicio de curso, a rexedora tamén quixo agradecer o grande esforzo que fixo ao longo destes días o equipo de limpadoras preparando todos os centros para o inicio das clases. “O seu traballo preparando cada recuncho é fundamental para brindar unha contorna segura e acolledora ao noso alumnado. O noso compromiso co ensino e coa comunidade educativa é firme e o traballo que desempeñan tanto elas como o equipo de operarios e operarias municipais é fundamental”, resaltou.

    Este ano un dos traballos de maior relevancia foi o realizado no CEP Plurilingüe Pedro Caselles Beltrán, no que se investiron case 43.000 euros para realizar diferentes melloras como o pintado exterior do centro, así como o ximnasio e a Secretaría. As obras completáronse co cambio do peche exterior por malla electrosoldada nas pistas deportivas, coa mellora da sala de caldeiras e da zona de agarda do transporte escolar, a reparación de portais e bolardos, o cableado de Secretaría e radio ou a instalación de electrodomésticos na cociña.

    Importante mellora tamén a realizada na escola unitaria de Carregal do CRA Mestre Manuel Garcés na que se levou a cabo a reforma integral, mellora na cuberta e cambio do falso teito e do chan do centro, así como o pintado da aula.

    O Concello procedeu á limpeza e hidrofugado na cuberta e fachada da escola de Taborda, así como os arranxos nas cuberta de Amorín, Figueiró, Forcadela, Estás e Barro. Ademais, cambiáronse os radiadores no Seixo e Vilachán e realizáronse diferentes melloras e correccións na instalación eléctrica para que estivera a punto.

    En total foron case 48.000 euros investidos para rehabilitar estas escolas antigas, moitas delas con problemas de filtracións, co obxectivo de mellorar a eficiencia enerxética de todos os centros, buscando non só unha diminución na pegada de carbono e un aforro económico, senón tamén un maior confort nas aulas.

    A todos estes traballos hai que sumar outros como a mellora da accesibilidade na entrada do CEIP de Sobrada, todas as melloras realizadas en cociña e comedor no CEIP de Barrantes ou os máis de 15.000 euros investido nas melloras das escolas infantís de Goián e Tomiño, mellorando a tarima do patio exterior e do sumidoiro do xardín central na de Goián e reformando o baño de bebés na de Tomiño.

    Como ven sendo habitual, o Concello procedeu a revisar a instalación de fontanería e electricidade, a limpar canlóns e cubertas, realizar tarefas de desratización e posta a punto patios, hortas ou areeiros de todos os centros educativos de Tomiño.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.