10 C
Pontevedra
Venres, 1 de Marzo de 2024
Máis
    HomeBaixo MiñoTomiñoRoteiros transfronteirizos da Eurocidade Tomiño-Cerveira para dar a coñecer o patrimonio cultural...

    Roteiros transfronteirizos da Eurocidade Tomiño-Cerveira para dar a coñecer o patrimonio cultural e natural

    Son actividades para todos os públicos e de balde, pero é preciso reservar praza previamente

    A Eurocidade Cerveira-Tomiño organiza este verán os Roteiros do Miño; unha serie de percorridos que teñen como obxectivo dar a coñecer territorios transfronteirizos valiosos a nivel paisaxístico, cultural, patrimonial, ambiental ou natural.

    Así, leváronse a cabo a Ruta das Pesqueiras e a Ruta da Cabana do Ladrón, quedando pendentes para próximas datas: Ruta dos Fortes da Guerra de Restauración (29 de agosto. 9.30 h PT); Ruta nocturna do Cervo ao Niño do Corvo (4 de setembro. 23.30 h PT); Ruta do Vale das Donas (12 de setembro. 9 h PT); Ruta da Pedra Furada (26 de setembro. 9.30 h GAL); Ruta do Alto da Pena (10 de outubro. 9 h PT); Ruta das Fontes (23 de outubro. 9.30 h. GAL)

    As actividades son para todos os públicos e de balde, pero é preciso reservar praza previamente chamando ao Concello de Tomiño (986 622 001/3) ou enviando un correo electrónico a cultura@tomino.gal

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.