O portavoz do PP de Tomiño, Esteban González, celebra a decisión da Xerencia do SERGAS de trasladar, a petición dos populares, o cribado poblacional para detectar casos de Covid-19. Segundo sinala o concelleiro popular, a Xerencia da Área Sanitaria de Vigo comunicoulle por chamada telefónica na mañá deste martes “que mañá mércores trasladarán a centro de saúde de Tomiño un dispositivo do SERGAS para seguir co cribado poblacional”.
Neste cribado serán citadas todas aquelas persoas, máis de 600, que non puideron asistir no primeiro cribado ao ter que desprazarse ao hospital Alvaro Cunqueiro.
Esteban González agradece “a boa disposión” do xerente do SERGAS, Javier Puente, “pola boa intención, colaboración e polo esforzo que conleva; coa única finalidade de dar seguridade ante esta situción crítica”.