18.3 C
Pontevedra
Martes, 16 de Agosto de 2022
Máis
    HomeBaixo MiñoTomiñoO CRA de Tomiño estrea unha biblioteca que optimiza ao máximo os...

    O CRA de Tomiño estrea unha biblioteca que optimiza ao máximo os seus espazos

    Cun orzamento total de 30.000 euros, a remodelación transformou a antiga estancia nun espazo polivalente adaptado ás necesidade do alumnado e do centro

    Cunha media de 1.200 préstamos ao ano e un fondo bibliográfico de máis de 1.500 volumes, a biblioteca do Colexio Rural Agrupado (CRA) ‘Mestre Manuel Garcés’, de Tomiño, remodelada recentemente, comeza o 2020 coa previsión de ampliar o número de libros e “medrar con xeito escollendo minuciosamente os volumes que se engadan”, segundo comenta o director do centro, Antón Valenzuela. 

    O novo espazo “adaptado aos escolares e polivalente”, transformou a antiga estancia “nun espazo máis versátil que agora conta cunha cómoda zona de traballo, unha pequena bancada para contacontos ou outras actuacións e o Departamento de Orientación”.

    As obras, levadas a cabo polo Concello cun orzamento de 30.000 euros, “permitiron optimizar ao máximo o espazo do que é o centro neurálxico do CRA, con mobiliario adaptado e unha boa redistribución dos espazos que o arquitecto soubo captar á perfección; unha transformación coa que levábamos tempo soñando e que supón o primeiro chanzo para repensar os espazos das 13 aulas unitarias das que dispoñemos”, explica o director do colexio.

    Valenzuela agradece a colaboración recibida por parte do Concello e tamén da Xunta. “A Consellería autorizounos a levar a cabo o proxecto, facilitounos asesoramento, deunos unha partida extraordinaria de cartos e serviunos de respaldo en todo momento, e o Concello fixo un importante desembolso, ademais de encargarse por medio do concelleiro Lois Vázquez, de contactar coas empresas e posibilitarnos o contar con Xabier Pousa como arquitecto da obra, que se reuniu comigo en numerosas ocasións e soubo plasmar o que lle iamos solicitando”, comenta.

    Agora toca enriquecer os fondos da nova biblioteca e conseguir que a comunidade educativa do centro –máis de cen pequenos estudantes das escolas unitarias– desfruten da nova instalación. A coordinadora da biblioteca é Tania, acompañada por un “equipo excepcional”. O sistema de préstamos e informático, e estase actualizando tamén o sistema de catalogación, para axustarse aos estándares establecidos para estas bibliotecas. “Engadiuse o catálogo audiovisual e tamén se introduciron xogos de mesa para os cativos”, informa Valenzuela.

    O funcionamento da biblioteca é polas tardes dúas horas cada día, e os nenos teñen que ir acompañados dos familiares (para os que tamén hai algúns libros). “Adoita estar bastante transitada e o ano pasado houbo máis de 1200 préstamos. Para promover o uso da biblioteca levamos a cabo diferentes actividades como a visita anual de todas as unitarias ao comezo do curso para que a coñezan e se animen a vir, sesións de contacontos, así como incentivalos con “caixas para superlectores” en empréstito cando acadan cinco visitas”, explica.

    No mes de decembro pasado tivo lugar a inauguración deste novo espazo, coa asistencia do xefe territorial de educación, o inspector de centros e a alcaldesa de Tomiño, entre outras autoridades.

    O Goberno local segue apostando polo investimento nos centros educativos de Tomiño, no que se investirán, un ano máis, máis de 60.000 euros de fondos municipais para mellorar os espazos que empregan día a día os máis de 1.550 estudantes da vila.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS