20.8 C
Pontevedra
Luns, 15 de Xullo de 2024
Máis
    HomeBaixo MiñoTomiñoO Campo da Feira de Tomiño trasnfórmase nun espazo de referencia da...

    O Campo da Feira de Tomiño trasnfórmase nun espazo de referencia da vila

    Tomiño continúa dando pasos na recuperación do espazo público para uso e desfrute da veciñanza. Neste camiño, o Concello completou a transformación do Campo da Feira nunha área moderna e contemporánea coa creación dun espazo de referencia da actividade social e saudable, xerando un lugar de encontro xuvenil no que se fomentan as relacións interxeracionais, a actividade física, a promoción dos hábitos de vida saudables ou o comercio local.

    “O espazo público é un dereito de todos os veciños e veciñas e con este novo proxecto transformador seguimos traballando nunha senda que comezamos a trazar xa no 2010 con diferentes actuacións por todo o concello”, explicou a alcaldesa, Sandra González. A rexedora salientou ademais que con esta iniciativa “contribúese a mellorar a vida de tomiñeses e tomiñesas, a cambiar os seus hábitos de mobilidade, a fomentar as relacións sociais e reforzar o sentimento de comunidade”.

    O obxectivo era completar a integración do Campo da Feira no núcleo urbano de Tomiño, mellorando a súa accesibilidade e tecendo espazos públicos que favorezan o paseo, o lecer e a convivencia e convertendo unha zona marxinal e pouco utilizada nun verdadeiro pulmón verde, epicentro da actividade social xuvenil do municipio.

    A través desta actuación o Concello creou unha contorna saudable no interior do parque do Campo da Feira, eliminando barreiras arquitectónicas e propoñendo un lugar totalmente accesible coa creación de espazos para realizar actividade física ao aire libre. Así, dotouse unha área para a práctica de skate; deseñouse unha área de xogos activos para fomentar a autonomía, coordinación e as habilidades sociais de nenos e nenas e instalouse unha mesa para desfrutar dunha modalidade deportiva diferente: o futtoc.

    O novo tapiz verde de céspede permeable serve de escenario para o xogo e as actividades impulsadas dende a OMIX de Tomiño e o novo mobiliario urbano permite unha estancia confortable para as persoas maiores, con mesas e bancos para a práctica de xadrez ou outros xogos baixo a sombra de árbores centenarios. A mellora da iluminación garante ademais a seguridade do espazo.

    Trátase dunha intervención realizada pensando tamén nun Tomiño máis sostible, con pavimentos drenantes que facilitan a hidratación do chan para o desenvolvemento das especies arbóreas e como ferramenta para diminuír o grao de contaminación fluvial, e cunha zona de compostaxe para a recollida de residuos orgánicos promovida ao abeiro do programa Revitaliza da Deputación de Pontevedra.

    O Concello investiu case 220.000 euros na transformación deste espazo, nunha actuación financiada con fondos europeos NextGenerationEU a través dunha liña de axudas para a realización de accións destinadas á promoción de vida saudable ao abeiro do Plan de Recuperación, Transformación e Resiliencia convocadas desde o Ministerio de Sanidade coa colaboración da Federación Española de Municipios e Provincias (FEMP).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.