A comunidade de montes de Santa María de Oia, a través do seu proxecto da Casa Forestal, continúa co seu ciclo de actividades sobre os curros, co obxectivo de contribuír a divulgar esta tradición tan arraigada na Serra da Groba. Dentro desta programación ofreceranse visitas guiadas neste mes de agosto.
O venres 11 de agosto a actividade consistirá nunha visita á Casa Forestal (18.30 horas) e un percorrido guiado polo curro da Valga e os seus arredores, a fin de descubrir o patrimonio cultural, natural e paisaxístico da zona.
O sábado 12 de agosto farase unha actividade semellante ás anteriores. Neste caso, a visita a exposición da Casa Forestal desenvolverase ás 18.00 horas e, posteriormente, ás 19.00 horas farase un paseo guiado polas inmediacións do curro de Mougás.
Para participar nas actividades, de balde pero con prazas limitadas, cómpre inscribirse previamente no número de teléfono 677 78 32 96.