19.1 C
Pontevedra
Venres, 18 de Xuño de 2021
Máis
    HomeBaixo MiñoOiaOia avanza para ter un escudo propio

    Oia avanza para ter un escudo propio

    Heráldica elaborará unha nova proposta partindo de catro elementos: a figueira, a torre, o báculo e as ondas do mar

    O Concello de Oia acolleu o mércores unha reunión para avanzar no proceso de definición dun escudo e bandeira oficiais do municipio. A finalidade desta reunión era aclarar dúbidas, tratar as dúas propostas presentadas por veciños, unha nova proposta elaborada polo Concello (cun deseño acuartelado e elementos identificativos do municipio como o petróglifo Auga dos Cebros, os cabalos, o báculo e a torre) e valorar novas alternativas.

    O encontro contou coa participación de representantes do executivo local; da alcaldesa, Cristina Correa; varios membros da Comisión de Heráldica -órgano consultivo da Xunta ao que lle compete a aprobación de brasóns e bandeiras-, persoas de referencia na investigación da historia local e algúns dos veciños que teñen presentado algunha proposta concreta relativa tanto ao escudo como á bandeira.

    Durante a xuntanza de traballo fíxose un repaso dos principais fundamentos e conceptos relativos á heráldica e tamén se debateron as distintas iniciativas presentadas.

    Entre os principais contidos abordados na reunión, incidiuse na necesidade de que o brasón oficial debe estar en consonancia coas normas relativas á heráldica e de que o seu contido sexa fiel á historia do municipio, advertíndose que non é admisible como opción o emblema do Mosteiro de Oia. Así, establecéronse unha serie de elementos como punto de partida para a elaboración dunha nova proposta de escudo sobre a que seguir traballando.

    A nova proposta que presentará Heráldica, para unir ás xa enviadas anteriormente, estará baseada en catro elementos: a figueira con froitos e a torre (os cales xa figuran no selo municipal empregado polo Concello de Oia na segunda metade do século XIX), o báculo abacial e as ondas do mar.

    A alcaldesa manifestou que “foi unha reunión moi produtiva, seguiremos avanzando para que Oia poida ter o seu propio escudo e bandeira”.

    Pola súa banda, o vicepresidente da Comisión, Eduardo Pardo de Guevara, sinalou que “a quen ten que gustarlle o escudo é aos veciños de Oia, que son os que o van usar”. Do mesmo xeito, incidiu en que foi unha pena que non asistisen os outros grupos políticos municipais e, neste senso, brindouse a volver ao municipio as veces que faga falta co obxectivo de resolver calquera dúbida ao respecto.

    COLABORACIÓNS

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Economía, impuestos, presupuestos y milagros

    La pandemia que hemos sufrido en estos últimos meses y que ha afectado a la totalidad del planeta, ha cambiado nuestras vidas y nos ha obligado a modificar nuestros comportamientos sociales, culturales y económicos, seguramente para siempre. Ante este hecho, los gobiernos se han visto obligados a actuar y a tomar una serie de medidas, que se han centrado en tres ejes: La paralización de la economía por decreto-ley, la concesión de ayudas y subsidios para paliar los efectos de semejante desastre y la limitación de libertades y derechos individuales, especialmente el de reunión y el de libre circulación.

    Tarifa Valle

    Cuando estoy escribiendo este comentario lo estoy haciendo en el período de la 'tarifa valle', ya que nuestros queridos representantes han aprobado las tarifas eléctricas 2.0TD (en mi época de amante de los automóviles eso significaba que estamos ante un vehículo con motor turbo diésel de dos litros de cilindrada, pero cuando hablamos de tarifas eléctricas., vete a saber).

    Colaboradores

    Alberto Aliaga Sola
    5 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS