7.5 C
Pontevedra
Sábado, 4 de Febreiro de 2023
Máis
    HomeBaixo MiñoOiaOia adquire unha parcela para ampliar e mellorar a Praza do Campo...

    Oia adquire unha parcela para ampliar e mellorar a Praza do Campo en Burgueira

    O Concello de Oia vén de adquirir un terreo ao carón da Praza do Campo, na parroquia de Burgueira, co obxectivo de ampliar este espazo de uso público e dotalo de novos equipamentos a disposición da veciñanza.

    Esta actuación, xunto coas actuais obras de acondicionamento que se están a desenvolver polo Concello na Praza do Campo, permitirá recuperar o valor arquitectónico da praza e a súa contorna, así como mellorar o campo visual cara a igrexa parroquial de San Pedro de Burgueira.

    A parcela mercada ten unha superficie de 1.656 metros cadrados e contén un hórreo e dúas edificacións antigas con engadidos modernos que desvirtúan a contorna. O futuro proxecto de reforma contemplará a recuperación ao estado orixinal destas pequenas construcións para dedicalas a un espazo pechado con usos para a comunidade e unha zona de lecer ao aire libre.

    A adquisición do terreo foi financiada a través dunha achega municipal de 6.891 euros e máis 48.366 euros de fondos do Plan Concellos da Deputación de Pontevedra (anualidade de 2021 e correspondentes á liña 1, investimentos).

    Coa adquisición deste terreo o Concello segue a dar pasos para ampliar espazos de reunión da veciñanza. No mes de xaneiro rematarán as obras de acondicionamento da Praza do Campo consistentes na mellora do pavimento, instalación de novas luminarias e posta en valor do cruceiro co soterramento das liñas de electricidade, telefonía e alumeado público. A actuación tamén creará espazos de vexetación e sombra, grazas a instalación dunha pérgola, e instalará bancos de pedra e diverso mobiliario.

    A transformación da praza e da contorna estase a facer baixo o asesoramento da arquitecta e paisaxista María Fandiño.

    Por outra parte, en canto dispoña dos permisos necesarios, o Concello acometerá a demolición da construción formada por bloques que se ve dende a praza, a cal está situada sobre a parcela recentemente adquirida.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS