7.6 C
Pontevedra
Venres, 21 de Xaneiro de 2022
Máis
    HomeBaixo MiñoOiaO Concello de Oia adquirirá varias parcelas nos arredores do Mosteiro

    O Concello de Oia adquirirá varias parcelas nos arredores do Mosteiro

    O Concello de Oia dá os primeiros pasos na súa aposta pola mellora da mobilidade no contorno do Mosteiro e o casco histórico do Arrabal mediante a adquisición de varios terreos situados nas inmediacións, co obxectivo de destinalos a zonas de aparcamento disuasorio.

    Tendo en conta que todos os anos, principalmente en época estival, se producen aglomeracións de vehículos que afean e xeran problemas de tráfico neste entorno único e de gran valor patrimonial -por onde tamén pasa o Camiño Portugués da Costa- a dotación de aparcamentos disuasorios contribuirá a aliviar a circulación e liberar espazos como a Eira do Convento e arredores.

    A alcaldesa, Cristina Correa, vén de dar este martes o primeiro paso para esta transformación coa formalización da compra-venda ante notario da parcela de aparcamento que ata o de agora tiña en aluguer, de aproximadamente 1.709 metros cadrados de superficie e situada na rúa do párroco D. Claudio Rodal Fandiño. Coa parcela xa en propiedade, o Concello poderá elaborar un proxecto que permitirá o seu máximo aproveitamento.

    Ademais, nos próximos meses adquiriranse dúas parcelas máis, de aproximadamente  1.772 metros cadrados de superficie e situadas a continuación da recén mercada, para destinalas con carácter inmediato á ampliación de aparcamento. Posteriormente, cando a modificación das Normas Subsidiarias actualmente en redacción entre en vigor e permita o cambio de uso, este novo espazo destinarase a parque infantil -unha dotación moi necesaria e demandada pola veciñanza ao non haber ningún equipamento deste tipo na parroquia de Santa María de Oia-.

    A adquisición dos tres terreos suporá un investimento total de 131.000 euros, cantidade que se financia a través do Plan Concellos do ano 2021 da Deputación de Pontevedra.

    Cristina Correa avanza que, ademais de traballar na compra destes tres terreos, o Concello tamén está a manter conversas cos propietarios de parcelas lindeiras co obxectivo de chegar a consensos. Segundo apunta, estes novos acordos posibilitarían “unha mellora notable para o futuro de Oia”.

    A alcaldesa lembra que a aposta pola adquisición de terreos é manifesta tamén noutras parroquias, xa que “ter a propiedade permitirá ao Concello optar a subvencións para abordar proxectos máis ambiciosos que redunden nunha mellor calidade de vida da veciñanza”.

    Mellora do acceso ao embarcadoiro

    Por outra banda, a rexedora local estase a poñer en contacto cos propietarios das parcelas que lindan coa Rúa do párroco D. Claudio Rodal Fandiño en relación a actuación “Mellora do acceso ao embarcadoiro”. Trátase dun proxecto redactado pola Deputación de Pontevedra que permitirá ensanchar a rúa para habilitar dous carrís de vehículos e unha senda peonil. Para poder levalo a cabo precísase da cesión de terreos.

    A alcaldesa iniciou os contactos con estes veciños para explicarlles en que consiste este proxecto e a súa afección, así como a importancia do momento actual: “Preséntanse no horizonte oportunidades cos fondos europeos que non se deben desaproveitar”, conclúe Correa.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS