15.2 C
Pontevedra
Mércores, 29 de Novembro de 2023
Máis
    HomeBaixo MiñoOiaO 6x6 volve esta fin de semana a Oia

    O 6×6 volve esta fin de semana a Oia

    A iniciativa 6×6 Punto de Encontro chega esta fin de semana a Oia coas súas innovadoras propostas arredor da arte e a cultura. Teatro, danza, música e canto serán os protagonistas dun evento festivo que, organizado polo Concello de Oia e baixo a dirección de Alfredo Rodríguez (A Artística), contará con actividades para todos os públicos.

    Neste 2023, no que o proxecto celebrará a súa quinta edición, a proposta desenvolverase baixo o título “Oia. Onde se pon o sol e nacen as sereas”. Partindo deste fío condutor, elaborado a partir de textos de Ana Romaní, Lupe Gómez, María do Cebreiro, Paula Carballeira, Celso Emilio Ferreiro e Álvaro Cunqueiro, artéllase unha programación cultural que terá como prato forte a tradicional representación do obradoiro de teatro veciñal así como diversas actividades complementarias.

    Despois de terse aprazado a data inicialmente prevista para a celebración do 6×6, a programación completa desenvolverase ao longo desta fin de semana, repartida entre o sábado e o domingo. Os horarios das actividades serán os seguintes:

    Sábado 17 de xuño

    • Ás 17.00 horas, a Praza Centinela acollerá o espectáculo infantil “As palabras perdidas”, de Inventi Teatro. O tráfico estará cortado nas rúas de acceso á praza mentres dure esta actividade.

    Domingo 18 de xuño

    • A partir das 12.00 horas abrirán os postos de artesanía, onde permanecerán á venda diversos produtos de creadores e creadoras locais.
    • Ás 18.00 horas o grupo local Tra-lo Mosteiro encargarase de amenizar o barrio do Arrabal coa súa música.
    • Ás 19.30 horas dará comezo o espectáculo do grupo de teatro veciñal. O punto de encontro será a Praza Centinela e, desde alí, público e artistas percorrerán a pé o camiño ata o Mosteiro para asistir á representación no interior do recinto.

    Xunto co alumnado do taller de teatro, o espectáculo contará coas artistas convidadas Olga Cameselle (danza), Mónica de Nut (canto) e Rubén Pastoriza (música). Tamén participará o alumnado da aula infantil de teatro do Concello de Oia.

    Esta xornada festiva está organizada polo Concello de Oia xunto co grupo Tra-lo Mosteiro e conta coa colaboración de Pontegal (Deputación de Pontevedra) e máis do Mosteiro de Oia.

    • En caso de choiva, os postos de artesanía trasladaranse á oficina de turismo, mentres que o resto da programación pasará ao IES Mestre Manuel García.

    LIBROS

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.

    Domingo Villar, «Síbaris»

    A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.