15.3 C
Pontevedra
Venres, 14 de Xuño de 2024
Máis
    HomeBaixo MiñoOiaConvocatoria dunha praza de técnico forestal en Oia

    Convocatoria dunha praza de técnico forestal en Oia

    O Concello de Oia convoca unha praza de técnico forestal con carácter de persoal laboral temporal. Debido a gran cantidade de requirimentos relativos á limpeza de fincas tramitados nos últimos anos, o Concello vén de iniciar este procedemento co obxectivo de poder axilizar estes trámites e así contribuír na mellora da prevención de incendios forestais.

    Do mesmo xeito, a Administración local destaca a obriga de manter limpas as fincas, especialmente este ano que está sendo moi seco, e lembra o prazo da Xunta que obriga a ter limpas as fincas antes do 31 de maio.

    O contrato será de 4 meses, con xornada parcial de 21 horas semanais (7 horas en luns, xoves e venres). Ademais, crearase unha bolsa de emprego cos aspirantes que superen o proceso de selección. As bases da convocatoria, que é por oposición libre, poden consultarse na sede electrónica do Concello de Oia (tanto no taboleiro de anuncios da sede como no portal de transparencia) www.oia.sedeelectronica.es.

    A convocatoria foi publicada no Boletín Oficial da Provincia de Pontevedra (BOPPO) do venres 29 de marzo e o prazo para a presentación de solicitudes será de 8 días hábiles contados a partir do seguinte ao da publicación do anuncio.

    As solicitudes poderán entregarse no Rexistro do Concello de Oia en horario de 9.00 a 14.00 horas ou por calquera outra das opcións establecidas na Lei 39/2015 de procedemento común das Administracións Públicas.

    Tarefas a realizar

    Segundo consta nas bases da convocatoria, a persoa que resulte seleccionada desenvolverá as seguintes tarefas:

    -Xestionar as denuncias relacionadas coa Lei 3/2007 de prevención e defensa contra incendios e a lei 7/2012 de Montes de Galicia.
    -Comprobación do cumprimento ou non das obrigas de limpeza das parcelas.
    -Demandas de información sobre autorización de cortas e queimas.
    -Tramitación dos expedientes de corta ou queimas en núcleos e sobre denuncias de vertidos incontrolados.
    -Información sobre a Lei de prevención e defensa contra incendios, fundamentalmente sobre distancias do arborado ás vivendas e obrigas dos propietarios forestais.
    -Dar charlas informativas sobre cuestións relacionadas coa prevención de incendios, as obrigas de limpeza das parcelas, etc.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.