A Casa do Concello do Rosal acolleu, no día de hoxe, a presentación do ‘Trofeo Pista as Faias’ de ciclismo –que con esta, acada a súa vixésimo oitava edición– nun acto presidido pola alcaldesa, Ánxela Fernández Callís á que acompañaban o concelleiro de Deportes, Germán Fernández e Gerardo Álvarez, José Ramón Villa e Eva Lomba, co Club Ciclista O Rosal.
A proba proba terá lugar o vindeiro 17 de agosto ás 17:00 horas no circuito do mesmo nome en San Xoán Tabagón, no concello do Rosal, contando este ano con máis de 70 participantes nas diferentes categorías: promesas, principiantes, alevíns, infantís e cadetes. A inauguración da proba contará coa presenza da alcaldesa e do xefe de servizo de Deportes de Pontevedra, Daniel Benavides.
O Concello do Rosal agracedeceu ao Club Ciclista O Rosal “a súa implicación desde hai anos no ámbito deportivo do noso municipio, inculcando desde pequenos o esforzo e a paixón polo deporte das dúas rodas”.
